បរទេស៖ យោងតាម លោកប្រធានាធិបតីអាមេរិក Joe Biden កាលពីថ្ងៃសុក្រម្សិលមិញនេះបានអះអាងថា ពិភពលោកកំពុងស្ថិតនៅផ្លូវបំបែក ហើយប៉ុន្មានឆ្នាំខាងមុខ នឹងកំណត់ជោគវាសនារបស់ខ្លួន សម្រាប់ជំនាន់ជាច្រើនខាងមុខ។
យោងតាមការចេញផ្សាយរបស់ RT ការព្យាករណ៍របស់លោកប្រធានាធិបតីអាមេរិក បានធ្វើឡើងនៅចំពេលដែល រដ្ឋាភិបាលទីក្រុងវ៉ាស៊ិនតោនកំពុងប្រឈមមុខ ជាមួយនឹងប្រទេសរុស្សីជំវិញបញ្ហានៅអ៊ុយក្រែន ហើយមិនត្រឹមតែប៉ុណ្ណោះការកើនឡើង កំដៅរវាងអាមេរិកនិងចិនផង។
ថ្លែងបែបនេនៅមុនកិច្ចប្រជុំជាមួយ ប្រធានាធិបតីឈីលីលោក Gabriel Boric នៅថ្ងៃសុក្រ លោក Biden បាននិយាយថា៖ មានពេលមួយមកដល់ ប្រហែលជារៀងរាល់ប្រាំមួយទៅប្រាំបីជំនាន់ ដែលពិភពលោកនឹងមានការ ផ្លាស់ប្តូរក្នុងរយៈពេលដ៏ខ្លីបំផុត ។
មេដឹកនាំសហរដ្ឋអាមេរិក បានអះអាងបន្ថែមទៀតថា៖ អ្វីដែលនឹងកើតឡើងក្នុងរយៈពេល ២ទៅ៣ឆ្នាំខាងមុខ នឹងកំណត់ថាតើពិភពលោកនឹងអាច មើលទៅបែបណាសម្រាប់រយៈពេល ប្រាំឬប្រាំមួយទសវត្សរ៍ខាងមុខ ៕
ប្រែសម្រួល៖ ស៊ុន លី
