បរទេស ៖ យោងតាមការចេញ ផ្សាយរបស់ RT លោកស្រីMaryanne Trump Barry ដែលមានវ័យប្រមាណជា៨៦ឆ្នាំ និងត្រូវជាជាបងប្អូនបង្កើត របស់អតីតប្រធានាធិបតីអាមេរិក Donald Trump ត្រូវបានគេរកឃើញថា បានស្លាប់កាលពីថ្ងៃចន្ទ នៅក្នុងអាផាតមិន របស់នាងក្នុងទីក្រុងញូវយ៉ក។
កាសែត Post Millennial បានឱ្យដឹងថា ប៉ូលីសបានរកឃើញសាកសព របស់នាងនៅក្នុងផ្ទះជាន់ទី៥ Avenue នៅ Upper East Side របស់ Manhattan នៅម៉ោងប្រហែល ៤ ព្រឹក។
ក្រុមមន្ត្រីពេទ្យក្រុងមិនទាន់ប្រកាសពីមូលហេតុ នៃការស្លាប់នោះទេ ប៉ុន្តែប៉ូលិសបាននិយាយថា មិនមានស្លាកស្នាមរបួសឬរបួសអ្វីឡើយ។
លោកស្រីកើតនៅឆ្នាំ១៩៣៧ហើយលោកស្រីMaryanne គឺជាកូនច្បងក្នុងចំណោមបងប្អូនប្រុសស្រីទាំងប្រាំរបស់ត្រកូល Trump ។
នាងត្រូវបានតែងតាំង ជាតុលាការនៅរដ្ឋ New Jersey ដោយប្រធានាធិបតី Ronald Reagan ក្នុងឆ្នាំ១៩៨៣និងទៅកាន់តុលាការ ឧទ្ធរណ៍សហរដ្ឋអាមេរិក ដោយប្រធានាធិបតី Bill Clinton ក្នុងឆ្នាំ១៩៩៩ផងដែរ៕
ប្រែសម្រួល៖ស៊ុនលី
