បរទេស៖ នាយក FBI លោក Christopher Wray បាននិយាយនៅក្នុងសវនាការ របស់ព្រឹទ្ធសភាកាលពីថ្ងៃអង្គារថា បន្ទាប់ពីការវាយប្រហារ ចុងក្រោយរបស់ក្រុមហាម៉ាស លើអ៊ីស្រាអែល, សហរដ្ឋអាមេរិកបានប្រឈមមុខនឹង ការគំរាមកំហែងនៃអំពើភេរវកម្ម។
យោងតាមសារព័ត៌មាន RT ចេញផ្សាយនៅថ្ងៃទី៥ ខែធ្នូ ឆ្នាំ២០២៣ បានឱ្យដឹងថា សេវាប្រឆាំងការស៊ើបការណ៍ សម្ងាត់ក្នុងស្រុក និងការប្រយុទ្ធប្រឆាំង នឹងអំពើភេរវកម្ម គឺជាផ្នែកមួយ នៃផលប័ត្ររបស់ការិយាល័យស៊ើប អង្កេតសហព័ន្ធ (FBI) ហើយ លោក Christopher Wray បានធ្វើសេចក្តីសង្ខេប ដល់គណៈកម្មាធិការ តុលាការព្រឹទ្ធសភា អំពីសកម្មភាពរបស់ទីភ្នាក់ងារនេះ ។
លោក Wray នាយក FBI បានប្រាប់សមាជិកព្រឹទ្ធសភា Lindsey Graham រដ្ឋ South Carolina មកពីសាធារណរដ្ឋ South Carolina ដែលជាសមាជិកនៃគណៈកម្មាធិការនេះថា “ខ្ញុំមិនដែលឃើញ ពេលដែលការគំរាមកំហែងទាំងអស់ ឬការគំរាមកំហែងជាច្រើនត្រូវ បានកើនឡើងទាំងអស់ ក្នុងពេលតែមួយ នោះទេ” ។
ព្រឹទ្ធសមាជិក Lindsey Graham បានចោទសួរ ដោយយោងឃ្លា ដែលប្រើដើម្បីពិពណ៌នាអំពីសញ្ញាព្រមានមុនការវាយប្រហារភេរវកម្មថ្ងៃទី១១ ខែកញ្ញា ឆ្នាំ ២០០១ថា “តើអ្នកអាចនិយាយថា មានភ្លើងក្រហមភ្លឹបភ្លែតៗច្រើននៅទីនោះទេ? លោក Wray បាននិយាយថា “ខ្ញុំឃើញភ្លើងក្រហមព្រិចភ្នែកគ្រប់ទីកន្លែង ។
លោក Graham ដែលជាអ្នកគាំទ្រដ៏លេច ធ្លោរបស់អ៊ីស្រាអែល ចង់ដឹងថាតើហាម៉ាស់បង្កគ្រោះថ្នាក់កម្រិតណា ហើយថាតើវាអាចត្រូវបានគេពិពណ៌នាថា ជាការគំរាមកំហែងដ៏ធំបំផុតដែលប្រឈមមុខនឹង សហរដ្ឋអាមេរិកចាប់តាំងពីថ្ងៃទី ថ្ងៃទី១១ ខែកញ្ញា ឆ្នាំ ២០០១មក។ លោក Wray បានយល់ស្របថា បន្ទាប់ពីថ្ងៃទី 7 ខែតុលា “សំណុំរូបមនុស្សទុច្ចរិតរបស់អង្គការភេរវករបរទេស” បាននិងកំពុងអំពាវនាវឱ្យមានការ វាយប្រហារនៅក្នុងសហរដ្ឋអាមេរិក៕
ប្រែសម្រួលៈ ណៃ តុលា
