ប៉េកាំង៖ រោងចក្រថាមពល នុយក្លេអ៊ែរជំនាន់ទី៤ ដំបូងគេរបស់ពិភពលោក ដែលជារោងចក្រ ថាមពលនុយក្លេអ៊ែរ Shidaowan សីតុណ្ហភាពខ្ពស់ (HTGR) បានដំណើរការជាផ្លូវការហើយ នេះបើយោងតាមរដ្ឋបាល ថាមពលជាតិ និង China Huaneng Group នៅថ្ងៃពុធនេះ ។
គម្រោងនេះមានទីតាំងនៅ ខេត្តសានតុង និងជាមួយប្រទេសចិន ដែលជាម្ចាស់កម្មសិទ្ធិបញ្ញាឯករាជ្យ ពេញលេញត្រូវបានបង្កើត ឡើងដោយក្រុមហ៊ុន China Huaneng Group, Tsinghua University និង China National Nuclear Corporation ។
លោក Zhang Zuoyi ប្រធានអ្នករចនាកម្មវិធីសំខាន់ នៃស្ថានីយ៍ថាមពលនុយក្លេអ៊ែរ HTGR និងព្រឹទ្ធបុរសនៃថាមពល នុយក្លេអ៊ែរ និងបច្ចេកវិទ្យាថាមពលថ្មី បានឲ្យដឹងថា HTGR គឺជាប្រភេទម៉ាស៊ីនរ៉េអាក់ទ័រទំនើប ដែលមានបច្ចេកវិទ្យា ថាមពលនុយក្លេអ៊ែរជំនាន់ទី៤ និងជាទិសដៅអភិវឌ្ឍន៍សំខាន់ នៃថាមពលនុយក្លេអ៊ែរ។ វិទ្យាស្ថាន Tsinghua University ។
ជាមួយនឹង “សុវត្ថិភាព” ជាលក្ខណៈសំខាន់ រ៉េអាក់ទ័រអាចរក្សាស្ថានភាពសុវត្ថិភាព និងកាច់ចង្កូតឱ្យឆ្ងាយពីការរលាយ ឬការលេចធ្លាយនៃសារធាតុវិទ្យុសកម្ម ។ លោក Zhang បានបន្ថែមថា សមត្ថភាពនេះត្រូវបានរក្សាទុក សូម្បីតែក្នុងករណីបាត់បង់សមត្ថភាព ត្រជាក់ទាំងស្រុង ដោយគ្មានសកម្មភាព អន្តរាគមន៍ណាមួយឡើយ។
ក្រុមហ៊ុនជាង ៥០០ ដែលមានជំនាញផ្នែករចនា និងអភិវឌ្ឍន៍ សំណង់វិស្វកម្ម ការផលិតឧបករណ៍ ការផលិត និងប្រតិបត្តិការបានចូលរួមក្នុងគម្រោងនេះ។ លោក Zhang Yanxu ដែលជាអ្នកទទួលបន្ទុកគម្រោងបានឲ្យដឹងថា អត្រានៃការធ្វើមូលដ្ឋានីយកម្មនៃឧបករណ៍នៃរោងចក្រថាមពលនុយក្លេអ៊ែរឈានដល់ជាង ៩០ភាគរយ។
លោកបានកត់សម្គាល់ថា ប្រតិបត្តិការពាណិជ្ជកម្ម នៃរោងចក្រថាមពលនុយក្លេអ៊ែរ គឺមានសារៈសំខាន់យ៉ាងខ្លាំងក្នុង ការលើកកម្ពស់សុវត្ថិភាព ក៏ដូចជាសមត្ថភាពវិទ្យាសាស្ត្រ បច្ចេកវិទ្យា និងនវានុវត្តន៍នៃការអភិវឌ្ឍន៍ ថាមពលនុយក្លេអ៊ែរ របស់ប្រទេសចិន ៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)