យូអិន៖ ក្រុមប្រឹក្សាសន្តិសុខអង្គការ សហប្រជាជាតិ ជាថ្មីម្តងទៀតបានពន្យារពេលការបោះឆ្នោត ដែលបានពន្យារពេលជាយូរមកហើយ លើដំណោះស្រាយដ៏សំខាន់មួយ សម្រាប់ជំនួយដែលត្រូវការ យ៉ាងខ្លាំងដល់តំបន់ហ្គាហ្សា ដោយសារតែការខ្វែងគំនិតគ្នា ពីសហរដ្ឋអាមេរិក។
នេះជាលើកទី៤ ក្នុងរយៈពេលមួយសប្តាហ៍ដែលការ បោះឆ្នោតត្រូវបានពន្យារពេល នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
ប្រភពការទូតបានបង្ហាញថា សហរដ្ឋអាមេរិកមានការព្រួយបារម្ភ អំពីឯកសារយោងនៅក្នុងអត្ថបទទៅកាន់ “ការបញ្ឈប់អរិភាព” នៅក្នុងជម្លោះប៉ាឡេស្ទីន-អ៊ីស្រាអែល និងបញ្ហាសំខាន់នៃការត្រួតពិនិត្យរថយន្តជំនួយ ដែលចូលទៅតំបន់ហ្គាហ្សា ដើម្បីធានាថាពួកគេដឹកតែទំនិញមនុស្សធម៌”។
សេចក្តីព្រាងច្បាប់បច្ចុប្បន្ន ស្នើឱ្យអង្គការសហប្រជាជាតិទទួលបន្ទុកនេះ ដែលជាចំណាត់ការប្រឆាំងទាំងសហរដ្ឋអាមេរិក និងសម្ព័ន្ធមិត្តជិតស្និទ្ធរបស់ខ្លួន គឺអ៊ីស្រាអែល។
នៅព្រឹកថ្ងៃដដែល តំណាងអចិន្ត្រៃយ៍រងរបស់សហរដ្ឋអាមេរិក ប្រចាំអង្គការសហប្រជាជាតិ លោក Robert Wood បានប្រាប់អ្នកយកព័ត៌មាន នៅពេលគាត់ចូលទៅក្នុងកិច្ចប្រជុំក្រុមប្រឹក្សាសន្តិសុខ ស្តីពីប្រទេសស៊ីរីថា “យើងនៅតែកំពុងដោះស្រាយរឿងនេះយ៉ាងសកម្ម យើងកំពុងខិតខំប្រឹងប្រែងយ៉ាងសំខាន់” ។
លោកបានលើកឡើងពីភាពចាំបាច់ សម្រាប់ការផ្លាស់ប្តូរជាក់លាក់នៅក្នុងអត្ថបទ ដោយបញ្ជាក់ថាការផ្លាស់ប្តូរ ទាំងនេះគួរតែមានច្រើនគ្រប់គ្រាន់ ដើម្បីប្រមូលការគាំទ្ររបស់ពួកគេ។
យោងតាមរបាយការណ៍ដែលបាន ចេញផ្សាយកាលពីថ្ងៃព្រហស្បតិ៍ ដោយទីភ្នាក់ងារមនុស្សធម៌ ២៣ របស់អង្គការសហប្រជាជាតិ និងប្រជាជននៅតំបន់ហ្គាហ្សា ទាំងមូលដែលមានចំនួន ២,២លាននាក់ បច្ចុប្បន្នកំពុងជួបប្រទះវិបត្តិស្បៀងអាហារ ឬស្ថានភាពធ្ងន់ធ្ងរជាងនេះ ដោយមនុស្ស ៥៧៦,៦០០នាក់ឈានដល់កម្រិត “មហន្តរាយ” នៃការអត់ឃ្លាន ៕
ប្រែសម្រួល ឈូក បូរ៉ា
