បរទេស៖ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា ការប៉ុនប៉ងដោយក្រុមបាតុករ ដើម្បីសម្រុកចូលអគាររដ្ឋបាលទីក្រុង Belgrade កាលពីថ្ងៃអាទិត្យ គឺជាផ្នែកនៃផែនការមួយរបស់ បណ្តាប្រទេសលោកខាងលិច ដើម្បីផ្តួលរំលំរដ្ឋាភិបាលស៊ែប៊ី។
យោងតាមការចេញផ្សាយរបស់ RT បាតុករគាំទ្រលោកខាងលិច រាប់ពាន់នាក់បានប៉ុនប៉ងទម្លុះចូល ទៅក្នុងអគាររដ្ឋាភិបាលក្នុងរដ្ឋធានី កាលពីល្ងាចថ្ងៃអាទិត្យបន្ទាប់ពី ជ័យជម្នះរបស់គណបក្សរីកចម្រើនស៊ែប៊ី ឬSNS ដែលកំពុងកាន់អំណាចលើក្រុមចម្រុះ គាំទ្រសហភាពអឺរ៉ុបប្រឆាំងអំពើហឹង្សា ឬSPN នៅក្នុងការបោះឆ្នោតសភា។
ប្រធានាធិបតីស៊ែប៊ី លោក Aleksandar Vucic បានចាត់ទុកការតវ៉ានេះថា ជាការប៉ុនប៉ងធ្វើបដិវត្តន៍ពណ៌ ដែលជាពាក្យប្រើដើម្បីពណ៌នា អំពីចលនាដែលផ្តល់មូលនិធិ និងរៀបចំដោយបណ្តាប្រទេសលោកខាងលិច ដែលក្នុងនោះជាធម្មតាសហរដ្ឋអាមេរិក មានគោលបំណងផ្តួលរំលំមេដឹកនាំ ពិភពលោកដែលប្រឆាំងនឹង ផលប្រយោជន៍របស់ក្រុងវ៉ាស៊ីនតោន។
នៅក្នុងសេចក្តីថ្លែងការណ៍មួយ ទៅកាន់ក្រុមអ្នកយកព័ត៌មានTASS កាលពីថ្ងៃចន្ទ លោកស្រី Zakharova បានយល់ស្របជាមួយនឹង ការសង្ស័យរបស់មេដឹកនាំស៊ែប៊ី ហើយបាននិយាយថា ការប៉ុនប៉ងរបស់សមូហភាពលោកខាងលិច ដើម្បីរង្គោះរង្គើស្ថានការណ៍នៅក្នុង ស៊ែប៊ី ដោយប្រើបច្ចេកទេសនៃរដ្ឋប្រហារ Maidan គឺជាក់ស្តែងខ្លាំងណាស់៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
