សេអ៊ូល៖ កូរ៉េខាងជើងបានឲ្យដឹងថា ខ្លួនបានធ្វើសមយុទ្ធបាញ់បង្ហោះមីស៊ីលយុទ្ធសាស្ត្រកាលពីថ្ងៃមុន នៅឯឆ្នេរសមុទ្រភាគខាងលិចរបស់ប្រទេស ដើម្បីពិនិត្យមើល “ជំហរវាយលុកយ៉ាងរហ័ស” របស់យោធា នេះបើយោងតាមប្រព័ន្ធផ្សព្វផ្សាយរដ្ឋ។
ទីភ្នាក់ងារព័ត៌មានកណ្តាលកូរ៉េផ្លូវការបានឲ្យដឹងថា ការបាញ់មីស៊ីល Hwasal-2 មានគោលបំណងធ្វើឱ្យប្រសើរឡើងនូវ “សមត្ថភាពវាយប្រហារជាយុទ្ធសាស្ត្រ” របស់យោធា ដោយមិនផ្តល់ព័ត៌មានលម្អិតដូចជាជួរហោះហើរ ឬចំនួនមីស៊ីលដែលបានបាញ់នោះទេ។
ទីភ្នាក់ងារសារព័ត៌មានយ៉ុនហាប់ របស់កូរ៉េខាងត្បូង បានចុះផ្សាយថា វាត្រូវបានគេជឿថា សមាសធាតុអុបទិក ត្រូវបានដំឡើងនៅចុងក្បាលគ្រាប់នៃមីស៊ីល Hwasal-2 សម្រាប់ការណែនាំច្បាស់លាស់។
យោធាកូរ៉េខាងត្បូងបានឲ្យដឹងថា កូរ៉េខាងជើងបានបាញ់មីស៊ីលនាំផ្លូវ ជាច្រើនគ្រាប់ចូលទៅក្នុងសមុទ្រលឿងពីទីក្រុង Nampo ភាគខាងលិចកាលពីព្រឹកថ្ងៃអង្គារ ដែលជាការកត់សម្គាល់ការបាញ់មីស៊ីលឆ្លងទ្វីបជុំទី៣ របស់ទីក្រុងព្យុងយ៉ាងក្នុងរយៈពេលមួយសប្តាហ៍។
ក្រុងព្យុងយ៉ាងបានសាកល្បងកាំជ្រួចយុទ្ធសាស្ត្រ Pulhwasal-3-31 ថ្មីរបស់ខ្លួនដែលគេជឿថាអាចផ្ទុកក្បាលគ្រាប់នុយក្លេអ៊ែរនៅថ្ងៃអាទិត្យទី ២៤ ខែមករា៕ ប្រែសម្រួល ឈូក បូរ៉ា
