រដ្ឋមន្រ្តីក្រសួងព័ត៌មាន៖ បើអ្នកទាំងអស់គ្នាខ្លាច គ្រោះថ្នាក់ចរាចរណ៍ ដូចខ្លាច COVID-19 គ្រួសាររាប់ពាន់ ចៀសផុតពីភាពវេទនា និងក្រៀមក្រំ

ភ្នំពេញ៖ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានលើកឡើងថា បើអ្នកទាំងអស់គ្នាខ្លាចគ្រោះថ្នាក់ចរាចរណ៍ដូចខ្លាច COVID-19 គ្រួសាររាប់ពាន់ចៀសផុតពីភាពវេទនា និង ក្រៀមក្រំ ខណៈកាលពីពេលថ្មីៗនេះ ក្រសួងសុខាភិបាលរកឃើញជ នជាតិខ្មែរតែម្នាក់ប៉ុណ្ណោះ ឆ្លងមេរោគកូរ៉ូណាប៉ុន្តែធ្វើឲ្យប្រជាពលរដ្ឋ មានការភ័យខ្លាចហួសហេតុ។

លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានសរសេរលើគេហទំព័រហ្វេសប៊ុកនៅព្រឹកថ្ងៃទី៩មីនានេះថា “បើសិនទាំងអស់គ្នាខ្លាច គ្រោះថ្នាក់ចរាចរណ៍ ដូចខ្លាច COVID-19 មិនដឹងជាប៉ុន្មានពាន់គ្រួសារទេ ក្នុងមួយឆ្នាំៗ ដែលចៀសផុតពីភាពវេទនា និងក្រៀមក្រំ”៕