មីនស៍៖ ក្រុមក្នុងតំបន់នៃកងទ័ពបេឡារុស្ស និងរុស្ស៊ី នឹងធ្វើសមយុទ្ធយោធានៅលើទឹកដី បេឡារុស្សនៅឆ្នាំ២០២៥ នេះបើយោងតាមរដ្ឋមន្ត្រីការពារជាតិ បេឡារុស្សលោក Viktor Khrenin។
លោក Khrenin បានឲ្យដឹងនៅក្នុងបទសម្ភាសន៍មួយថា ប្រធានាធិបតីរុស្ស៊ី និងបេឡារុស្សដំបូងបានស្នើឱ្យ ធ្វើសមយុទ្ធយោធាជាយុទ្ធសាស្ត្ររួមគ្នា រៀងរាល់ពីរឆ្នាំម្តងកាលពីឆ្នាំ២០០៩។
លោកបានលើកឡើងថា “សមយុទ្ធបន្ទាប់នឹងធ្វើឡើងនៅឆ្នាំ២០២៥ នៅលើទឹកដីនៃសាធារណរដ្ឋបេឡារុស្ស” លោកបានបន្ថែមថា សមយុទ្ធនេះនឹងផ្តោតលើការ ធានាសន្តិសុខយោធានៃរដ្ឋសហភាព។
លោក Khrenin បានព្រមានបន្ថែមទៀតថា ទីក្រុងមីនស៍ នឹងឆ្លើយតបទៅនឹង ការរំលោភដែនអាកាសណាមួយ ដោយបន្ថែមថាមានការរំលោភ លើដែនអាកាសរបស់ប្រទេសចំនួន៦ រួចទៅហើយចាប់តាំងពីខែសីហាឆ្នាំមុន។
លោកបន្ដថា “យើងឆ្លើយតបទៅនឹងការ បំពានទាំងអស់នៅពេលចាំបាច់ យន្តហោះប្រយុទ្ធរបស់យើងត្រូវបានវាយលុក ហើយកងកម្លាំងមីស៊ីលប្រឆាំងយន្តហោះ ត្រូវបាននាំយកទៅកម្រិតសមស្រប នៃការត្រៀមខ្លួនប្រយុទ្ធ”។
លោកបន្ថែមថា ក្នុងករណីមានការរំលោភបំពានធ្ងន់ធ្ងរ នោះរដ្ឋាភិបាលទីក្រុងមីនស៍ នឹងមិនស្ទាក់ស្ទើរក្នុងការបាញ់នោះទេ ពោលគឺបាញ់ទម្លាក់យន្តហោះបរទេស ដែលបំពានដែនអាកាសរបស់ប្រទេស ៕
ប្រែសម្រួល ឈូក បូរ៉ា
