កូឡុំបូ៖ ទីភ្នាក់ងារព័ត៌មាន Xinhua បានចុះផ្សាយ នៅថ្ងៃទី២៣ ខែមីនានេះថា យោងតាមសេចក្តីប្រកាស ព័ត៌មានចេញដោយក្រសួង ការបរទេសរបស់ប្រទេស ស្រីលង្កា បានឲ្យដឹងថា ប្រទេសស្រីលង្កា បានថ្កោលទោស ទៅលើការវាយប្រហារភេរវកម្ម ដែលបានកើតឡើង នៅក្នុងប្រទេសរុស្ស៊ី កាលពីថ្ងៃសុក្រ ដែលបណ្តាលឱ្យបាត់បង់ជីវិត ជនស៊ីវិលជាច្រើននាក់ ។
ក្រសួងការបរទេសបានឲ្យដឹងថា អំពើហិង្សាលើជនស៊ីវិលបែបនេះ ជាការស្អប់ខ្ពើម និងគ្មានកន្លែងណាមួយ ដែលក្នុងសង្គមស៊ីវិលចង់បាននោះទេ ។
សេចក្តីថ្លែងការណ៍បានដាក់ថា រដ្ឋាភិបាល និងប្រជាជនស្រីលង្កា សូមចូលរួមរំលែកទុក្ខដ៏ក្រៀមក្រំចំពោះក្រុមគ្រួសារជនរងគ្រោះ ប្រជាជន និងរដ្ឋាភិបាល នៃប្រទេសរុស្ស៊ី ក្នុងគ្រាដែលមានទុក្ខសោកនេះផងដែរ ៕
ប្រែសម្រួលដោយ៖ ម៉ៅ បុប្ផាមករា
