បរទេស៖ យោងតាមការចេញផ្សាយរបស់ RT ក្រសួងការបរទេសបាននិយាយកាលពីថ្ងៃចន្ទថា សហរដ្ឋអាមេរិកមិនអាចគាំទ្រការ វាយប្រហារទ្រង់ទ្រាយធំលើទីក្រុង Rafah បានទេព្រោះវានឹងនាំឱ្យមាន ការបាត់បង់ជីវិតបន្ថែម និងរំខានដល់ការផ្តល់ជំនួយមនុស្សធម៌។
ការអត្ថាធិប្បាយរបស់ អ្នកនាំពាក្យក្រសួងការបរទេសលោក Matthew Miller បានកើតឡើងនៅពេលដែល យន្តហោះអ៊ីស្រាអែលបានចាប់ផ្តើម ទម្លាក់គ្រាប់បែកលើទីក្រុងនៅតាមព្រំដែន ជាមួយប្រទេសអេហ្ស៊ីប ដែលបច្ចុប្បន្នមានប្រជាជនប៉ាឡេស្ទីនប្រហែល ១.៤លាននាក់ បានផ្លាស់ទីលំនៅពីភាគខាងជើង និងកណ្តាលតំបន់ហ្គាហ្សា។
លោក Miller បានប្រាប់អ្នកយកព័ត៌មានក្នុង ទីក្រុងវ៉ាស៊ីនតោនថា៖ យើងមិនគាំទ្រអ៊ីស្រាអែលក្នុងការបើក ប្រតិបត្តិការយោធាទ្រង់ទ្រាយពេញលេញនៅ Rafahនោះឡើយ។
រដ្ឋមន្ត្រីការបរទេសលោក Antony Blinken បានប្រាប់នាយករដ្ឋមន្ត្រីអ៊ីស្រាអែល Benjamin Netanyahu និងមន្ត្រីផ្សេងទៀតនៅក្រុងហ្សេរុយសាឡឹម ខាងលិចកាលពីសប្តាហ៍មុនថា សហរដ្ឋអាមេរិកមិនអាចគាំទ្រការវាយប្រហារលើ Rafah ដូចអ្វីដែលវាត្រូវបានគេរំពឹងទុក នាពេលបច្ចុប្បន្ននេះទេ។
អ្នកនាំពាក្យក្រសួងការបរទេស អាមេរិកបាននិយាយថា អ៊ីស្រាអែលមិនបានបង្ហាញផែនការមនុស្សធម៌ ដល់សហរដ្ឋអាមេរិកសម្រាប់ តំបន់ដែលអាចជឿទុកចិត្តបាន ហើយវាអាចអនុវត្តបានដូច្នេះអាមេរិកបានបញ្ជាក់បែបនេះថា៖ យើងជឿថា ប្រតិបត្តិការយោធានៅ Rafah នាពេលនេះ នឹងបង្កើនការឈឺចាប់របស់ប្រជាជនប៉ាឡេស្ទីន យ៉ាងខ្លាំងប៉ុណ្ណោះបន្ថែមទៀតប៉ុណ្ណោះ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
