កប៉ាល់ដឹកទំនិញ ២គ្រឿង បុកគ្នានៅវៀតណាម បណ្តាលឱ្យធ្លាក់ទូកុងតឺន័រ៩ទូ ចូលក្នុងទន្លេ

បរទេស៖ កប៉ាល់កុងតឺន័រ Interasia Pursuit ដែលមានដោតទង់ជាតិសិង្ហបុរី និងកប៉ាល់មួយគ្រឿងទៀត បានបុកគ្នានៅទន្លេ Dong Nai ភាគខាងត្បូងប្រទេសវៀតណាម កាលពីថ្ងៃព្រហស្បតិ៍ ដែលបណ្តាលឱ្យកុងតឺន័រ ចំនួនប្រាំបួនធ្លាក់ចូលទន្លេ។

យោងតាមសារព័ត៌មាន VN Express ចេញផ្សាយនៅថ្ងៃទី២៤ ខែឧសភា ឆ្នាំ២០២៤ បានឱ្យដឹងថា នាវាសិង្ហបុរីទម្ងន់ ២៣.០០០ តោន បានដឹកកុងតឺន័រចំនួន ៤៦៨ទូ ពីស្ថានីយកុងតឺន័រអន្តរជាតិ SP- ITC នៅទីក្រុង Thu Duc នៃទីក្រុង ហូជីមិញ ទៅកាន់កំពង់ផែ Klang ក្នុងប្រទេសម៉ាឡេស៊ី។

ភ្លាមៗបន្ទាប់ពីចេញពីកំពង់ផែនៅម៉ោងប្រហែល ២ រសៀល កប៉ាល់បានបុកជាមួយនឹងកប៉ាល់ SP-ITC 01 ដែលត្រូវបានដឹកនាំទៅកាន់ ស្ថានីយកុងតឺន័រដែលមាន ៦៣ កុងតឺន័រ។ នៅពេលប៉ះទង្គិចមានភ្លៀងធ្លាក់ខ្លាំង និងខ្យល់បក់ខ្លាំង។

មិនមានអ្នករងរបួសទេ ប៉ុន្តែកប៉ាល់នេះបានរងការខូចខាត ផ្នែកខាងកំពង់ផែរបស់ខ្លួន។ Interasia Pursuit មិនបានរាយការណ៍ពីការខូចខាតអ្វីទេ។

លោក Ngo Quang Hung នាយករងនៃអាជ្ញាធរកំពង់ផែសមុទ្រហូជីមិញ បាននិយាយថា កុងតឺន័រដែលបានធ្លាក់ចូលទៅក្នុងទន្លេ គឺទទេ មិនមានដាក់អ្វីនោះទេ។ អាជ្ញាធរបានដាក់ពង្រាយកាណូត និងទូក ហើយបានរកឃើញទូកុងតឺន័រចំនួនប្រាំបី ក្នុងចំណោមកុងតឺន័រប្រាំបួនពីទឹក ៕

ប្រែសម្រួលៈ ណៃ តុលា