បរទេស ៖ យោងតាមការចេញផ្សាយ របស់ RT បាតុករគាំទ្រប៉ាឡេស្ទីន បានដុតជញ្ជាំងស្ថានទូត អ៊ីស្រាអែល ក្នុងទីក្រុងម៉ិកស៊ិក បន្ទាប់ពីមានការប៉ះទង្គិចគ្នា ជាមួយប៉ូលីសកុប្បកម្ម ដែលដាក់ពង្រាយ ដើម្បីរក្សាពួកគេឱ្យនៅឆ្ងាយ ពីទីតាំងនេះក្តី។
មនុស្សប្រហែល ២០០នាក់ បានប្រមូលផ្តុំគ្នានៅខាងក្រៅ បរិវេណក្នុងសង្កាត់ Lomas de Chapultepec កាលពីថ្ងៃអង្គារ សម្រាប់បាតុកម្ម សកម្មភាពបន្ទាន់ សម្រាប់ទីក្រុង Rafahហើយការវាយប្រហារ តាមអាកាសរបស់អ៊ីស្រាអែល បានសម្លាប់ជនជាតិប៉ាឡេស្ទីន យ៉ាងតិច៤៥ នាក់នៅក្នុងទីក្រុង Gazan គិតត្រឹមថ្ងៃអាទិត្យប៉ុណ្ណោះ។
ក្រុមបាតុករមួយចំនួន ដែលពាក់កន្សែងបិទមុខ បានគប់ដុំថ្ម និងដបស្រា ទៅកាន់ប៉ូលិស កុបកម្មម៉ិកស៊ិក ហើយបានសម្រុកចូលរបាំង ដែលបានដំឡើង ដើម្បីរារាំងការចូលទៅកាន់ បេសកកម្មការទូតរបស់ពួកគេ ។
វីដេអូដែលបានផ្សព្វផ្សាយ តាមបណ្តាញសង្គមបានបង្ហាញថា ប៉ូលិសកំពុង តស៊ូដើម្បីពន្លត់ជញ្ជាំង ដែលឆេះនៃបរិវេណនោះ ខណៈដែលក្រុមបាតុករព្យាយាមដុតបំផ្លាញស្ថានទូតទាំងស្រុង ហើយការប៉ះទង្គិចជាមួយកងកម្លាំង សន្តិសុខនៅតែបន្តនៅឡើយ៕
ប្រែសម្រួល៖ស៊ុនលី
