បរទេស៖ កាសែតអង់គ្លេសបានសរសេរថា យន្តហោះយោធាអ៊ុយក្រែនបានវាយប្រហារគោលដៅនៅក្នុងខេត្ត Belgorod ដែលនេះជាលើកទីមួយហើយដែលទីក្រុងគៀវ បានប្រើប្រាស់អាវុធនេះសំដៅទៅលើទឹកដីរុស្ស៊ី។
យោងតាមសារព័ត៌មាន VN EXPRESS ចេញផ្សាយនៅថ្ងៃទី១០ ខែមិថុនា ឆ្នាំ២០២៤ បានឱ្យដឹងថា ប្រភពយោធាបានប្រាប់សារព័ត៌មាន Sky News នៅថ្ងៃទី ៩ ខែមិថុនាថា “កងទ័ពអាកាសអ៊ុយក្រែន (UAF) បានវាយប្រហារប៉ុស្តិ៍បញ្ជាការរុស្ស៊ីនៅទីក្រុង Belgorod ។ ការវាយប្រហារបានវាយប្រហារគោលដៅ ប៉ុន្តែការខូចខាតដែលពាក់ព័ន្ធនៅតែត្រូវផ្ទៀងផ្ទាត់បន្ថែម។ នេះជាលើកទីមួយហើយដែល UAF បាញ់មីស៊ីលពីលើអាកាសប្រឆាំងនឹងគោលដៅក្នុង ទឹកដីរុស្ស៊ី”
មន្ត្រីខេត្ត Belgorod នៅថ្ងៃដដែលបានចេញការព្រមានបីដងអំពីហានិភ័យនៃការវាយប្រហារដោយមីស៊ីល បន្ថែមពីលើព័ត៌មានអំពីការរងការវាយប្រហារដោយយន្តហោះគ្មានមនុស្សបើក (UAVs) របស់សត្រូវ។ រូបភាព និងវីដេអូនៅលើបណ្ដាញសង្គម បង្ហាញពីបណ្តុំនៃផ្សែងខ្មួលខ្មាញ់ឡើងលើមេឃ រួមជាមួយនឹងការផ្ទុះជាច្រើន វាមិនច្បាស់ថាវាបណ្តាលមកពី UAV ឬមីស៊ីល៕ ប្រែសម្រួលៈ ណៃ តុលា
