វ៉ាស៊ីនតោន៖ អាជ្ញាធរសហរដ្ឋអាមេរិក បានបើកដំណើរការឡើងវិញទាំងស្រុង នូវផ្លូវដឹកជញ្ជូនបឋមទៅកាន់កំពង់ផែ Baltimore កាលពីថ្ងៃចន្ទ បន្ទាប់ពីកិច្ចខិតខំប្រឹងប្រែងសម្អាត យ៉ាងទូលំទូលាយ ប៉ុន្មានខែបន្ទាប់ពីការដួលរលំនៃស្ពាន Francis Scott Key ដែលបានសម្លាប់កម្មករចំនួន ៦នាក់។
នៅក្នុងការចេញផ្សាយព័ត៌មានកាលពីល្ងាចថ្ងៃចន្ទ ក្រុមមន្ត្រីបានឲ្យដឹងថា ការបើកដំណើរការឡើងវិញ បន្ទាប់ពីប្រតិបត្តិការសម្អាតដ៏សំខាន់មួយ ដែលក្រុមនាវិកបានទាញយកដែក និងបេតុងប្រមាណ ៥០ម៉ឺនតោនពីទន្លេ Patapsco ។
កាលពីថ្ងៃទី២៦ ខែមីនា កប៉ាល់កុងតឺន័រមួយគ្រឿងបានបុក ជាមួយសសរទ្រទ្រង់ស្ពាន បណ្ដាលឱ្យកម្មករថែទាំផ្លូវថ្នល់ចំនួន ៦នាក់ដែលធ្វើដំណើរវេនយប់ ចូលបំពេញការងារនៅលើស្ពាន បានស្លាប់បាត់បង់ជីវិត។
កប៉ាល់ដឹកទំនិញ ដែលបានបុក និងបំផ្លាញស្ពាន Baltimore រដ្ឋ Maryland បានជួបប្រទះនឹងការបាត់បង់ថាមពលអគ្គិសនី និងការជំរុញមុនពេលកើតហេតុ នេះបើយោងតាមរបាយការណ៍បឋម ដែលចេញផ្សាយដោយក្រុមប្រឹក្សាសុវត្ថិភាព ដឹកជញ្ជូនជាតិរបស់សហរដ្ឋអាមេរិក កាលពីខែឧសភា។
ឆ្មាំឆ្នេរសមុទ្រអាមេរិកបានចាត់ថ្នាក់ ឧបទ្ទវហេតុនេះថា ជាជនរងគ្រោះក្នុងសមុទ្រដ៏សំខាន់ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
កំពង់ផែ Baltimore ដែលត្រូវបានគេស្គាល់ថា សម្រាប់គ្រប់គ្រងរថយន្ត និងគ្រឿងចក្រកសិកម្មដែលមានបរិមាណ ខ្ពស់បំផុតនៅក្នុងប្រទេសនោះ នៅតែបិទជាធម្មតាអស់រយៈពេលជាច្រើនសប្តាហ៍ ក្នុងអំឡុងពេលនៃការយកចេញ នៃបំណែកស្ពានខាងលើនេះ ៕
ប្រែសម្រួល ឈូក បូរ៉ា
