បរទេស៖ រដ្ឋមន្ត្រីការបរទេសចិន លោក Wang Yi បាននិយាយថា បណ្តានៃប្រទេស BRICS គួរតែធ្វើការរួមគ្នា ដើម្បីលើកកម្ពស់សន្តិភាព និងទប់ស្កាត់ការចាប់ផ្តើមនៃសង្គ្រាមត្រជាក់ថ្មីមួយ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែមិថុនា ឆ្នាំ២០២៤ បានឱ្យដឹងថា ថ្លែងនៅក្នុងកិច្ចប្រជុំរដ្ឋមន្ត្រីការបរទេស BRICS នៅទីក្រុង Nizhny Novgorod របស់រុស្ស៊ីកាលពីថ្ងៃច័ន្ទ លោក Wang បាននិយាយថា ប្រទេសមហាអំណាចមួយចំនួននៅតែប្រកាន់យក “ចិត្តគំនិតនៃសង្រ្គាមត្រជាក់”។ យោងតាមអ្នកការទូត អាកប្បកិរិយានេះផ្ទុយដោយផ្ទាល់ទៅនឹងដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ និងធ្វើឱ្យប៉ះពាល់ដល់សិទ្ធិអំណាចនៃយន្តការពហុភាគី។
លោក Wang Yi បាននិយាយថា ប្រទេសចិនមានឆន្ទៈក្នុងការធ្វើការជាមួយប្រទេសរុស្ស៊ី ដើម្បីរក្សាកិច្ចសហប្រតិបត្តិការជាយុទ្ធសាស្រ្ត ឆ្លើយតបទៅនឹងសម្ពាធពីខាងក្រៅ និងជំរុញឱ្យមានការរីកចម្រើនជានិរន្តរភាពនៃទំនាក់ទំនងទ្វេភាគី។
ដោយពណ៌នាអំពី BRICS ជាវេទិកាដ៏សំខាន់មួយសម្រាប់ឯកភាព និងកិច្ចសហប្រតិបត្តិការក្នុងចំណោមទីផ្សារដែលកំពុងរីកចម្រើន និងប្រទេសកំពុងអភិវឌ្ឍន៍ លោក Wang បាននិយាយថា យន្តការ BRICS ដែលបានពង្រីកនឹងដើរតួនាទីយ៉ាងសំខាន់ក្នុងការបង្កើតប្រព័ន្ធអភិបាលកិច្ចសកលដែលត្រឹមត្រូវ និងសមហេតុផល៕ ប្រែសម្រួលៈ ណៃ តុលា
