លោកពូទីន ពង្រីកវិធានការឆ្លើយតប របស់រុស្ស៊ីចំពោះការកំណត់តម្លៃប្រេង របស់លោកខាងលិច

ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបន្តក្រឹត្យ ស្តីពីវិធានការឆ្លើយតបរបស់ប្រទេស ចំពោះតម្លៃកំណត់ដោយលោកខាងលិច លើផលិតផលប្រេង និងប្រេងរបស់រុស្ស៊ី រហូតដល់ថ្ងៃទី៣១ ខែធ្នូ ឆ្នាំ២០២៤។

ក្រឹត្យនេះហាមឃាត់ការផ្គត់ផ្គង់ប្រេង និងផលិតផលប្រេងរបស់រុស្ស៊ី ប្រសិនបើកិច្ចសន្យាសម្រាប់ការ ផ្គត់ផ្គង់ទាំងនេះរួមមានកម្រិតតម្លៃ ដែលកំណត់ដោយក្រុមប្រទេសទាំងប្រាំពីរ សហភាពអឺរ៉ុប និងអូស្ត្រាលី។

ក្រឹត្យ​ដែល​ចាប់​ផ្តើម​ចូល​ជា​ធរមាន​ចាប់​ពី​ថ្ងៃ​ទី​០១ ខែ​កុម្ភៈ ឆ្នាំ​២០២៣ ត្រូវ​បាន​ពន្យារ​ពេលជា​ច្រើន​ដង។ ការពន្យារចុងក្រោយបំផុត គឺនៅមានសុពលភាពរហូតដល់ថ្ងៃទី៣០ ខែមិថុនា ឆ្នាំ២០២៤។

នៅខែធ្នូឆ្នាំ២០២២ សហភាពអឺរ៉ុប បានដាក់តម្លៃ ៦០ ដុល្លារអាមេរិកក្នុងមួយបារ៉ែល លើប្រេងឆៅពីសមុទ្ររុស្ស៊ី ដែលជាការផ្លាស់ប្តូរ ដែលត្រូវបានអនុម័ត ដោយក្រុមប្រទេសទាំង៧ ហើយចាប់ពីថ្ងៃទី០៥ ខែកុម្ភៈ ឆ្នាំ២០២៣ ការកម្រិតតម្លៃស្រដៀងគ្នានេះត្រូវបានអនុវត្ត ចំពោះផលិតផលប្រេងពីប្រទេសរុស្ស៊ី ៕

ប្រែសម្រួល ឈូក បូរ៉ា

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999