បរទេស៖ អាជ្ញាធរក្នុងតំបន់របស់រុស្ស៊ី បាននិយាយថា ព្យុះដ៏ខ្លាំងមួយបានបោកបក់កាត់ទីក្រុងមូស្គូ កាលពីថ្ងៃព្រហស្បតិ៍ ដោយបានបណ្តាល ឲ្យមនុស្សពីរនាក់ស្លាប់ និងជាច្រើននាក់ទៀតរងរបួស និងបំផ្លាញអគារ និងហេដ្ឋារចនាសម្ព័ន្ធនានាផងដែរ។
យោងតាមសារព័ត៌មាន RT ចេញផ្សាយនៅថ្ងៃទី២០ ខែមិថុនា ឆ្នាំ២០២៤ បានឱ្យដឹងថា បុរសម្នាក់បានស្លាប់ដោយសារដើមឈើរលំពីលើនៅខាងជើងទីក្រុង ហើយអ្នកស្លាប់ម្នាក់ទៀ តត្រូវបានគេរាយការណ៍នៅថ្ងៃបន្ទាប់ ។ មនុស្ស ១៨ នាក់ផ្សេងទៀតរួមទាំងកុមារ ៤ នាក់បានរងរបួសនៅ ពេលដែលមានភ្លៀងធ្លាក់ខ្លាំង និងខ្យល់បក់បោកខ្លាំងពេញរដ្ឋធានី។ សារព័ត៌មាន RIA Novosti បានរាយការណ៍ថា យោងតាមការប៉ាន់ស្មានបឋម ដើមឈើចំនួន ៧០០ដើម ត្រូវបានដួលរលំ និងរថយន្ត ៣០០ គ្រឿងត្រូវបានខូចខាត។
អភិបាលក្រុងម៉ូស្គូ លោក Sergey Sobyanin បានចេញការព្រមានអំពីអាកាសធាតុ ដោយនិយាយថា ព្យុះកំបុតត្បូងអាចកើតឡើងនៅក្នុងទីក្រុង និងតំបន់ជុំវិញ។
ព្យុះភ្លៀងធ្លាក់ខ្លាំងនៅតំបន់មូស្គូ និងតំបន់មូស្គូ លាយឡំ ដោយខ្យល់បក់ខ្លាំង។ វីដេអូក៏បានបង្ហាញពីដើមឈើ ដែលដួលរលើងឬស នៅរាយប៉ាយជុំវិញទីក្រុង៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
