បរទេស៖ យោងតាមការចេញផ្សាយរបស់ RT មេដឹកនាំអ៊ុយក្រែន លោក Vladimir Zelensky បានជំនួសតំណែងមេបញ្ជាការនៃ បញ្ជាការកងកម្លាំងចម្រុះ របស់យោធារបស់គាត់ គឺឧត្តមសេនីយ៍ឯកYury Sodol ចំពេលមានការអះអាងថា អសមត្ថភាពរបស់លោកបានធ្វើឲ្យបាត់បង់ ជីវិតទាហានអ៊ុយក្រែនច្រើនជាង ឧត្តមសេនីយ៍រុស្ស៊ីណាទាំងអស់។
បន្ទាប់ពីកិច្ចប្រជុំជាមួយថ្នាក់ដឹកនាំ យោធាកាលពីថ្ងៃចន្ទ លោក Zelensky បានប្រកាសថា Sodol នឹងត្រូវបានជំនួសភ្លាមៗដោយឧត្តមសេនីយ៍ត្រី Andrey Hnatov ។
ទោះបីជាយ៉ាងណាក្តីលោក Zelensky មិនបានរៀបរាប់លម្អិតអំពីមូលហេតុដែល Sodol ត្រូវបានបណ្តេញចេញនោះទេ។
គួរឲ្យដឹងដែរថាក្នុងនាមជា មេបញ្ជាការនៃបញ្ជាការកងកម្លាំងចម្រុះ លោក Sodol បានមើលការខុសត្រូវលើ ប្រតិបត្តិការរួមរបស់កងទ័ព ជើងទឹក និងទ័ពអាកាសរបស់ប្រទេសផងដែរ។
នៅក្នុងការបង្ហោះនៅលើបណ្តាញសង្គម Telegram របស់គាត់កាលពីថ្ងៃចន្ទ មេបញ្ជាការស្តីទី Azov Brigade Bogdan Krotevich បាននិយាយថាគាត់បាន សរសេរសំបុត្រមួយទៅកាន់ ការិយាល័យស៊ើបអង្កេតរដ្ឋអ៊ុយក្រែន (SBI) ដោយទាមទារឱ្យលោក Sodol ត្រូវបានស៊ើបអង្កេតពីបទអសមត្ថភាពនេះ ៕
ប្រែសម្រួល៖ ស៊ុន លី
