បរទេស៖ អតីតប្រធានាធិបតីហុងឌូរ៉ាស លោក Juan Orlando Hernandez ត្រូវបានកាត់ទោសកាលពីថ្ងៃពុធនៅទីក្រុងញូវយ៉ក សហរដ្ឋអាមេរិក ឱ្យជាប់ពន្ធនាគារ ៤៥ ឆ្នាំនៅក្នុងសហរដ្ឋអាមេរិក ចំពោះការជួយអ្នកជួញដូរគ្រឿងញៀនដែលបានប្រើយោធាហុងឌូរ៉ាសនិងកងកម្លាំងប៉ូលីសជាតិ ដើម្បីដឹកជញ្ជូនកូកាអ៊ីនក្នុងបរិមាណដ៏ច្រើនចូលទៅក្នុងសហរដ្ឋអាមេរិក។
យោងតាមសារព័ត៌មាន VOA ចេញផ្សាយនៅថ្ងៃទី២៦ ខែមិថុនា ឆ្នាំ២០២៤ បានឱ្យដឹងថា លោក Hernandez អាយុ ៥៥ ឆ្នាំ បានគ្រប់គ្រងប្រទេសហុងឌូរ៉ាសដែលជាសម្ព័ន្ធមិត្តរបស់សហរដ្ឋអាមេរិកនៅអាមេរិកកណ្តាលពីឆ្នាំ ២០១៤ ដល់ឆ្នាំ ២០២២ រយៈពេលពីរអាណត្តិ។ លោក Hernandez ត្រូវបានចាប់ខ្លួននៅផ្ទះរបស់លោកក្នុងរដ្ឋធានី Tegucigalpa បីខែបន្ទាប់ពីចាកចេញពីតំណែងក្នុងឆ្នាំ ២០២២ ហើយត្រូវបានគេធ្វើបត្យាប័នទៅសហរដ្ឋអាមេរិកក្នុងខែមេសានៃឆ្នាំនោះ។
បងប្រុសរបស់គាត់ឈ្មោះ Juan Antonio “Tony” Hernandez ត្រូវបានកាត់ទោសឱ្យជាប់គុកអស់មួយជីវិតក្នុងឆ្នាំ ២០២១ លើការចោទប្រកាន់ទាក់ទងនឹងគ្រឿងញៀនស្រដៀងគ្នា។
រដ្ឋអាជ្ញានៅអាមេរិកបានចោទប្រកាន់ថា លោក Hernandez បានឃុបឃិតជាមួយអ្នកជួញដូរគ្រឿងញៀនតាំងពីឆ្នាំ ២០០៤ ដោយទទួលយកសំណូករាប់លានដុល្លារ។ ពួកគេបានអះអាងថានឹងផ្ដន្ទាទោសដាក់ពន្ធនាគារមួយជីវិត ដោយនិយាយថា វានឹងឃាត់ខ្លួនអ្នកជួញដូរ និងមន្ត្រីពុករលួយផ្សេងទៀត។
មេធាវីរបស់គាត់គឺ លោក Renato Stabile ដែលបានស្វែងរកការកាត់ទោសអតិបរមា ៤០ ឆ្នាំ និងបង្ហាញថា លោក Hernandez នឹងប្តឹងឧទ្ធរណ៍ ដោយបាននិយាយថា “Hernandez បានធ្វើច្រើនជាងនេះដើម្បីប្រយុទ្ធប្រឆាំងនឹងការជួញដូរគ្រឿងញៀននៅក្នុងប្រទេសហុងឌូរ៉ាសជាងប្រធានាធិបតីណាមួយពីមុនឬចាប់តាំងពីពេលនោះមក” ៕ ប្រែសម្រួលៈ ណៃ តុលា
