តេអេរ៉ង់៖ លោក Masoud Pezeshkian ដែលជាប្រធានាធិបតីជាប់ឆ្នោតថ្មីរបស់អ៊ីរ៉ង់ នឹងត្រូវស្បថចូលកាន់តំណងនៅដើមខែសីហា នេះបើយោងតាមសមាជិកសភាជាន់ខ្ពស់អ៊ីរ៉ង់ ដែលដកស្រង់ដោយទីភ្នាក់ងារព័ត៌មានផ្លូវការ IRNA។
លោក Mojtaba Yousefi សមាជិកនៃគណៈប្រធានសភាអ៊ីរ៉ង់ បានគូសបញ្ជាក់ពីកាលវិភាគនៃស្ថាប័ននីតិប្បញ្ញត្តិ សម្រាប់ការបញ្ជាក់សមាជិកគណៈរដ្ឋមន្ត្រី ដែលបានស្នើឡើងរបស់លោក Pezeshkian នៅក្នុងបទសម្ភាសន៍ជាមួយ IRNA ។
លោកបានបញ្ជាក់ថា ពិធីសម្ពោធចូលកាន់តំណែង ត្រូវបានគ្រោងធ្វើនៅថ្ងៃទី០៤ ឬ ទី០៥ ខែសីហា បន្ទាប់ពីនោះលោក Pezeshkian នឹងមានពេល ១៥ថ្ងៃដើម្បីដាក់បញ្ជីរដ្ឋមន្ត្រី ដែលបានស្នើឡើងរបស់លោកសម្រាប់ការអនុម័តពីសភា។
លោក Yousefi បានកត់សម្គាល់ថា សម័យប្រជុំសភា សម្រាប់ការបោះឆ្នោតទំនុកចិត្ត នឹងចាប់ផ្តើមនៅពេលក្រោយនៅក្នុងខែសីហា។ លោកបានសង្កត់ធ្ងន់ថា នៅថ្ងៃទី២១ ខែកក្កដា សភានឹងបើកចំហដោយចេតនា និងបោះឆ្នោតលើការលាលែង ពីតំណែងរបស់លោក Pezeshkian ពីមុខតំណែងបច្ចុប្បន្ន ជាសមាជិកសភានៅទីក្រុងតេអេរ៉ង់។
លោក Pezeshkian ដែលជាអ្នកកែទម្រង់ និងជាអតីតរដ្ឋមន្ត្រីសុខាភិបាល ត្រូវបានប្រកាសជាប្រធានាធិបតីបន្ទាប់របស់អ៊ីរ៉ង់ កាលពីថ្ងៃសៅរ៍ បន្ទាប់ពីការបោះឆ្នោតជាប់ឆ្នោត ប្រឆាំងនឹងមេដឹកនាំលោក Saeed Jalili ដែលជាអតីតប្រធានអ្នកចរចា ក្នុងកិច្ចចរចានុយក្លេអ៊ែរអ៊ីរ៉ង់ ជាមួយមហាអំណាចពិភពលោក ក្នុងនោះលោក Pezeshkian ទទួលបានសំឡេងគាំទ្រ ១៦,៣៨៤,៤០៣សំឡេង ធៀបនឹង ១៣,៥៣៨,១៧៩សំឡេងរបស់លោក Jalili ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
