បរទេស៖ យោងតាមការចេញផ្សាយរបស់ RT អធិការបតីប្រទេសអាល្លឺម៉ង់ លោក Olaf Scholz បានប្រកាសពីផែនការរបស់គាត់ ក្នុងការឈរឈ្មោះសម្រាប់តំណែងកំពូល របស់រដ្ឋាភិបាលម្តងទៀតនៅឆ្នាំ២០២៥ សាជាថ្មីម្តងទៀត។
គាត់ក៏បានច្រានចោល លទ្ធផលបោះឆ្នោតមិនល្អរបស់ គណបក្សរបស់គាត់ថាជា ការជំរុញ ដើម្បីធ្វើឱ្យកាន់តែប្រសើរឡើង ក្នុងអំឡុងពេលសន្និសីទប្រព័ន្ធផ្សព្វផ្សាយ រយៈពេលពីរម៉ោងនៅទីក្រុងប៊ែរឡាំង ។
គណបក្សសង្គមប្រជាធិបតេយ្យ (SPD) របស់លោក Scholz បានទទួលរងនូវលទ្ធផលបោះឆ្នោត ទូទាំងប្រទេសដ៏អាក្រក់បំផុតរបស់ខ្លួន នៅក្នុងការបោះឆ្នោតសភាអឺរ៉ុប នៅដើមខែមិថុនា ដែលវាទទួលបានតិចជាង ១៤ភាគរយប៉ុណ្ណោះ នៃសម្លេងឆ្នោត។
ការវាយតម្លៃរបស់គណបក្សនេះ ក៏ឈរនៅប្រហែល ១៤ភាគរយ យោងតាមលទ្ធផលនៃការស្ទង់មតិរបស់ ARD Deutschlandtrend ដែលបានចេញផ្សាយនៅដើមខែកក្កដា។
នៅពេលត្រូវបានសួរ ថាតើគាត់ផ្ទាល់នឹងដើរតាមគន្លង របស់ប្រធានាធិបតីអាមេរិក Joe Biden ដែលថ្មីៗនេះបានបោះបង់ចោលការដេញថ្លៃ បោះឆ្នោតឡើងវិញនៅឆ្នាំ២០២៤ ឬយ៉ាងណានោះលោក Scholz បាននិយាយថាគាត់នៅតែតាំងចិត្ត ដើម្បីឈរឈ្មោះនិងឈ្នះនៅឆ្នាំ២០២៥។
ប្រែសម្រួល៖ ស៊ុន លី
