បរទេស៖ ព្យុះទីហ្វុង Yagi ដែលជាព្យុះដ៏មានឥទ្ធិពលបំផុតរបស់អាស៊ីក្នុងឆ្នាំនេះ ត្រូវបានបន្ថយកម្លាំងមកជាព្យុះត្រូពិចកាលពីថ្ងៃអាទិត្យ បន្ទាប់ពីបានបង្កការបំផ្លិចបំផ្លាញនៅភាគខាងជើងប្រទេសវៀតណាម ជាកន្លែងដែលព្យុះបានបំផ្លាញរោងចក្រ និងហេដ្ឋារចនាសម្ព័ន្ធនៅក្នុងមជ្ឈមណ្ឌលឧស្សាហកម្មដែលផ្តោតលើការនាំចេញ។
យោងតាមសារព័ត៌មាន VN Express ចេញផ្សាយនៅថ្ងៃទី៩ ខែកញ្ញា ឆ្នាំ២០២៤ បានឱ្យដឹងថា ទីភ្នាក់ងារឧតុនិយមរបស់ប្រទេសវៀតណាមបានចេញការបន្ថយអនុភាពកាលពីថ្ងៃអាទិត្យ ប៉ុន្តែបានព្រមានអំពីហានិភ័យដែលកំពុងបន្តនៃទឹកជំនន់ និងការរអិលបាក់ដី ខណៈដែលព្យុះដែលមានកម្លាំងខ្លាំងបំផុតដែលបានវាយប្រហារប្រទេសនេះក្នុងរយៈពេលជាច្រើនទសវត្សរ៍ គឺបានរំកិលទៅទិសខាងលិច។
កាលពីថ្ងៃសៅរ៍ ព្យុះទីហ្វុង Yagi បានបង្អាក់ការផ្គត់ផ្គង់ថាមពល និងទូរគមនាគមន៍នៅក្នុងរដ្ឋធានីហាណូយរបស់ប្រទេសវៀតណាម ដែលបណ្តាលឱ្យមានទឹកជំនន់យ៉ាងធ្ងន់ធ្ងរ ដួលរលំដើមឈើរាប់ពាន់ខ្នង និងបំផ្លាញផ្ទះសម្បែង។
ព្យុះទីហ្វុង និងការបាក់ដីជាបន្តបន្ទាប់ និងទឹកជំនន់បានសម្លាប់មនុស្ស ២៤នាក់ក្នុងប្រទេសវៀតណាម និង ២២៩នាក់រងរបួស នេះបើយោងតាមការប៉ាន់ស្មានបឋមរបស់រដ្ឋាភិបាល បន្ទាប់ពីបានឆក់យកជីវិតមនុស្ស ៤នាក់ នៅលើកោះហៃណាន ភាគខាងត្បូងប្រទេសចិន និង ២០នាក់នៅក្នុងប្រទេសហ្វីលីពីន ដែលជាប្រទេសដំបូងគេបានវាយប្រហារ។ សប្តាហ៍មុន។
នៅក្នុងទីក្រុង Hai Phong ដែលជាទីក្រុងឆ្នេរសមុទ្រវៀតណាមដែលមានប្រជាជនចំនួន ២ លាននាក់ , មានរោងចក្រនៃពហុជាតិសាសន៍ជាច្រើន សួនឧស្សាហកម្មនៅតែបិទគិតមកដល់កាលពីថ្ងៃអាទិត្យ។ នេះបើតាម កម្មករ និងអ្នកគ្រប់គ្រងបានប្រាប់សារព័ត៌មាន រ៉យទ័រ៕
ប្រែសម្រួលៈ ណៃ តុលា
