តម្លៃមាស នៅប្រទេសវៀតណាម ធ្លាក់ចុះ ក្នុងពេលដែលតម្លៃមាស នៅក្នុងពិភពលោក កើនឡើងបានបន្តិច

បរទេស ៖ តម្លៃដុំមាសនៅក្នុងប្រទេស វៀតណាមបានធ្លាក់ចុះ ០,៥៩ភាគរយ មកនៅត្រឹម ៨៤,៥ លានដុង ស្មើនឹង ៣.៣៩៩,៧២ ដុល្លារអាមេរិក ក្នុងមួយតម្លឹង នៅព្រឹកថ្ងៃព្រហស្បតិ៍ ប៉ុន្តែតម្លៃមាសបែរជាងើបឡើងវិញបន្តិច នៅទូទាំងពិភពលោក។

យោងតាមសារព័ត៌មាន VN Express ចេញផ្សាយនៅថ្ងៃទី១០ ខែតុលា ឆ្នាំ២០២៤ បានឱ្យដឹងថា ទ្រព្យសម្បត្តិជាមាសបានធ្លាក់ចុះ ០,២៤ភាគរយ មកនៅត្រឹម ៨២,៩ លានដុង ក្នុងមួយតម្លឹង។

តម្លៃមាសសកលបានកើនឡើងបន្តិច ខណៈដែលពាណិជ្ជករ កំពុងរង់ចាំទិន្នន័យអតិផរណា សំខាន់របស់សហរដ្ឋអាមេរិក ដែលនឹងត្រូវកំណត់ នៅពេលក្រោយ ដើម្បីវាយតម្លៃគោលជំហរគោលនយោបាយ រូបិយវត្ថុនាពេលអនាគត របស់ធនាគារកណ្តាល, នេះបើតាមសារព័ត៌មាន Reuters បានរាយការណ៍។

តម្លៃទីផ្សារមាស បានកើនឡើង ០,២ភាគរយ ដល់ ២.៦១៤,០០ ក្នុងមួយអោន បន្ទាប់ពីបានបន្ធូរបន្ថយសម្រាប់វគ្គប្រាំមួយមុន។ តម្លៃបានកើនឡើងខ្ពស់បំផុតកាលពីខែមុន ។ អនាគតមាសរបស់សហរដ្ឋអាមេរិកបានកើនឡើង ០,២ភាគរយ គឺ ២.៦៣១,៤០ដុល្លារ ៕
ប្រែសម្រួលៈ ណៃ តុលា