បរទេស ៖ យោងតាមការចេញផ្សាយ របស់ RT ប្រធានាធិបតីបេឡារូស លោកAlexander Lukashenko បានសារភាពថា ប្រទេសរបស់លោកពិត ជាកំពុងស្ថិតនៅក្នុងរបបផ្តាច់ការក៏ពិតមែនប៉ុន្តែវា គឺជាប្រទេសដែលមានស្ថិរភាព សន្តិសុខ សណ្តាប់ធ្នាប់ សេចក្តីសប្បុរស និងបដិសណ្ឋារកិច្ចល្អបំផុតមួយ។
លោកLukashenko បានធ្វើការ អត្ថាធិប្បាយបែបនេះ កាលពីថ្ងៃសៅរ៍នៅក្នុងពិធីមួយទៅ កាន់ក្រុមពលរដ្ឋកសិករនៅក្នុងតំបន់ Grodno របស់ប្រទេស។
ថ្លែងពាក់ព័ន្ធទៅនឹងបញ្ហាទណ្ឌកម្ម របស់លោកខាងលិច ដែលដាក់លើបេឡារូសលោកបានរំលឹកថា កាលពីខែកក្កដា ទីក្រុង Minsk បានពង្រីកកម្មវិធី មិនទាមទារទិដ្ឋាការ Visa-Freeរបស់ខ្លួន ដើម្បីរួមបញ្ចូលពលរដ្ឋ នៃប្រទេសអឺរ៉ុបចំនួន៣៥ ដែលអនុញ្ញាតឱ្យជនជាតិលោកខាងលិច កាន់តែច្រើនមើលឃើញ ប្រទេសនេះសម្រាប់គោលដៅរបស់ពួកគេ។
ប្រភពដដែលបានឲ្យដឹងទៀតថា មេដឹកនាំរូបនេះបានថែមទាំងពន្យល់បែបនេះទៀត ៖ មនុស្សប្រហែលមួយលាននាក់ បានឃើញដោយផ្ទាល់ភ្នែកថាបេឡារូសពិត ជារបបផ្តាច់ការដែលជាក់ស្តែងនេះ ជារបបផ្តាច់ការនៃស្ថិរភាព សន្តិសុខ សណ្តាប់ធ្នាប់ ចិត្តល្អ និងបដិសណ្ឋារកិច្ចនិងជា របបផ្តាច់ការនៃភាពយុត្តិធម៌បំផុត។
លោកLukashenko បាននិយាយថា ជនបរទេសបានរីករាយ ក្នុងការធ្វើដំណើរ មកទស្សនាប្រទេសបេឡារូស ទោះបីជាមានការកុហកនិងព័ត៌មានមិនពិត ត្រូវបានផ្សព្វផ្សាយអំពីប្រទេស នៅលោកខាងលិចក៏ដោយហើយលោកបានបន្ថែមថា អ្នកទស្សនាមើលឃើញថា តាមពិតបេឡារូស គឺជាប្រទេសដែលមាន សម្រស់ស្រស់ស្អាត សុវត្ថិភាព និងផាសុកភាពទៅវិញនោះទេ៕
ប្រែសម្រួល៖ស៊ុនលី
