កំពង់ស្ពឺ ៖ ជនសង្ស័យ ជាមុខសញ្ញាលួចយ៉ាង សកម្មត្រូវបានឃាត់ខ្លួនចំនួន៤នាក់ ក្នុងចំណោមបក្សពួក៥នាក់។
ការឃាត់ខ្លួនជនសង្ស័យ កាលពីរសៀលថ្ងៃទី៧ ខែវិច្ឆិកា ឆ្នាំ២០២៤នៅចំណុច ភូមិព្រីង ឃុំរលាំងចក ស្រុកសំរោងទង ខេត្តកំពង់ស្ពឺ។
លោក វរសេនីយ៍ឯក ឃុត សុផល អធិការនគរបាលស្រុក សំរោងទងបានឲ្យដឹងថា មានប្រជាពលរដ្ឋបានរាយការណ៍ថា មានមនុស្សកំពុងសងំប្រើប្រាស់គ្រឿងញៀន និងសកសំបកខ្សែភ្លើង នៅចំណុច នៅភូមិព្រីង ឃុំរលាំងចក ស្រុកសំរោងទង ។ ដោយមានការសម្របសម្រួលពីលោក ឈៀវគីមហាក់ព្រៈរាជអាជ្ញារង នឹងមានការចង្អុល ដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការខេត្តកំពង់ស្ពឺ ។
កម្លាំងផ្នែកព្រហ្មទណ្ឌស្រុក សហការជាមួយកម្លាំង ប៉ុស្តិនគរបាលរលាំងចក បានចុះទៅដល់ទីតាំង ខាងលើ បានឃាត់ជនសង្ស័យចំនួន៤នាក់ ១,ឈ្មោះ ឌិន ចន្តា ហៅវណ្ណដា ភេទប្រុស អាយុ២៩ឆ្នាំ(ម្ចាស់ផ្ទះ) ២,ឈ្មោះ មាស ចិន ភេទប្រុស អាយុ២៩ឆ្នាំ ៣,ឈ្មោះ ណាវ ម៉េងលី ភេទប្រុស ២០ឆ្នាំ ទាំង ៣នាក់ រស់នៅភូមិព្រីង ឃុំរលាំងចក ស្រុកសំរោងទង ។
នឹង៤,ឈ្មោះប៊ុត រដ្ឋា ហៅស្កុបពីរ ភេទប្រុស អាយុ៣២ឆ្នាំនៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
លោកបានបន្តទៀតថាក្រោយឃាត់ខ្លួនកម្លាំងជំនាញបាន ដកហូតវត្ថុតាងរួមមាន៖ សម្ភារៈសម្រាប់ប្រើប្រាស់គ្រឿងញៀន ខ្សែភ្លើងមួយចំនួន ម៉ូទ័រកាត់ដែក១គ្រឿង ម៉ូតូ១គ្រឿងម៉ាកប៊ិត(BeAT)ក្រហមស ពាក់ផ្លាកលេខកំពង់ស្ពឺ1Q-8096។
បន្ទាប់ពីសាកសួរ ឈ្មោះ ឌិន ចន្តា ហៅវណ្ណដា និងឈ្មោះប៊ុត រដ្ឋា ហៅស្កុបពីរ បានឆ្លើយសារភាពថា ចំពោះខ្សែភ្លើងនឹងម៉ូទ័រខាងលើខ្លួនបានលួចនៅចំណុចរោងចក្រផលិតកាបូប ស្ថិតនៅភូមិថ្មី ឃុំរលាំចក ស្រុកសំរោងទង ជាមួយឈ្មោះ យឹម ស ភេទប្រុស អាយុ៣២ឆ្នាំនៅភូមិត្រពាំងថ្ម ឃុំរលាំងចក ស្រុកសំរោងទង ខេត្តកំពង់ស្ពឺ(គេចខ្លួន)។
ករណីខាងលើ ជំនាញកំពុងធ្វើការសាកសួរកសាងសំណុំរឿងចាត់តាមនិតិវិធី៕
ដោយ៖សុខសុភ័ណ្ឌ រូបថត អធិការ
