តូក្យូ៖ នាយករដ្ឋមន្ត្រីជប៉ុនលោក Shigeru Ishiba កំពុងត្រូវបានប្រជាជនជប៉ុន រិះគន់តាមប្រព័ន្ធអ៊ីនធឺណេតចំពោះ “សុជីវធម៌” របស់លោក បន្ទាប់ពីវីដេអូនៃកិច្ចប្រជុំកំពូល APEC នៅប្រទេសប៉េរូ បានបង្ហាញពីការស្វាគមន៍មេដឹកនាំ ផ្សេងទៀតរបស់លោក ខណៈពេលដែលកំពុងអង្គុយ។
វីដេអូបង្ហាញលោក Ishiba ពិនិត្យមើលស្មាតហ្វូនរបស់លោក ពេលកំពុងអង្គុយជាអ្នកដឹកនាំ រួមទាំងសមភាគីកាណាដាលោក Justin Trudeau និងលោក Anwar Ibrahim របស់ម៉ាឡេស៊ី បានមកជិតលោក ហើយលោក Ishiba ងើបមុខចេញពីទូរសព្ទ ហើយចាប់ដៃគ្នា តែមិនក្រោកឈរ។
អ្នកប្រើប្រព័ន្ធផ្សព្វផ្សាយសង្គមម្នាក់ ជាភាសាជប៉ុនបានបង្ហោះថា “អាម៉ាស់ណាស់” ខណៈម្នាក់ទៀតនិយាយថា លោកមិនមែនជានាយករដ្ឋមន្ត្រីនោះទេ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានក្យូដូជប៉ុន។
នាយករដ្ឋមន្ត្រីរូបនេះ ក៏ត្រូវបានចោទប្រកាន់ពីបទឈ្លើយសឹកផងដែរ បន្ទាប់ពីវីដេអូផ្សេងទៀតបង្ហាញថា លោកកំពុងមើលការរាំរែកក្នុងពិធីស្វាគមន៍ សម្រាប់កិច្ចប្រជុំកំពូលវេទិកា កិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ជាមួយនឹងដៃរបស់លោក។
លោក Ishiba បានបង្ហាញខ្លួនជាលើកដំបូងការទូត ក្នុងនាមជាមេដឹកនាំរបស់ប្រទេសជប៉ុន កាលពីខែមុននៅក្នុងកិច្ចប្រជុំកំពូល ទាក់ទងនឹងសមាគមប្រជាជាតិអាស៊ីអាគ្នេយ៍ នៅប្រទេសឡាវ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
