បរទេស ៖ យោងតាមការ ចេញផ្សាយរបស់ RT ជម្លោះរវាងទីក្រុងមូស្គូ និងក្រុងគៀវ អាចនឹងត្រូវបញ្ចប់យ៉ាងឆាប់រហ័ស ដោយមិនមានការបាត់បង់អាយុជីវិតបន្ថែមឡើយ ប្រសិនបើមានតែអង្គ ការណាតូ យល់ឃើញ និងបោះបង់ចោលនូវគោលនយោបាយ ឃោរឃៅរបស់ខ្លួនចំពោះរុស្ស៊ី ។
ខាងលើកនេះគឺជាការលើកឡើងដោយ អតីតប្រធានាធិបតីរុស្ស៊ី លោក Dmitry Medvedev បានប្រាប់ Al Arabiya ក្នុងបទសម្ភាសន៍មួយដែលបានចេញផ្សាយកាលពីថ្ងៃសុក្រ។
លោក Medvedev ដែលបច្ចុប្បន្នកាន់តំណែង ជាអនុប្រធានក្រុមប្រឹក្សាសន្តិសុខរុស្ស៊ីបាននិយាយថា ការអនុញ្ញាតឱ្យអ៊ុយក្រែន ប្រើប្រាស់អាវុធលោកខាងលិច រយៈចម្ងាយឆ្ងាយសម្រាប់ការវាយប្រហារ ចូលទៅក្នុងទឹកដីរុស្ស៊ី ដែលទទួលស្គាល់ដោយអន្តរជាតិ បានធ្វើឱ្យប្លុកដែលដឹកនាំដោយសហរដ្ឋអាមេរិក ក្លាយជាភាគីផ្ទាល់នៃជម្លោះ។
រដ្ឋាភិបាលទីក្រុងគៀវ បានបើកការវាយប្រហារបែបនេះ ជាច្រើនដងរួចមកហើយដោយប្រើប្រព័ន្ធ ATACMS និង HIMARS ដែលផលិតដោយសហរដ្ឋអាមេរិក ក៏ដូចជាមីស៊ីល Storm Shadow ដែលផលិតដោយអង់គ្លេសផងដែរ ។
គួរឲ្យដឹងដែរថារដ្ឋាភិបាល ទីក្រុងមូស្គូក៏បានឆ្លើយតប ដោយការវាយលុករោងចក្រ ឧស្សាហកម្មយោធានៅក្នុងទីក្រុង Dnepropetrovsk របស់អ៊ុយក្រែនដែលត្រូវបានគេស្គាល់ថា Dnipro ក្នុងប្រទេសអ៊ុយក្រែន ជាមួយនឹងមីស៊ីលផ្លោងរយៈចម្ងាយមធ្យមថ្មី ដែលបំពាក់ដោយក្បាលគ្រាប់ធម្មតា។
យ៉ាងណាក្តីកាលពីថ្ងៃសៅរ៍ រដ្ឋាភិបាលទីក្រុងប៉ារីស បានបញ្ជាក់ជាផ្លូវការថា ខ្លួនបានផ្តល់ភ្លើងខៀវឱ្យទីក្រុងគៀវ ដើម្បីប្រើប្រាស់មីស៊ីលSCALP-EG ដែលផលិតដោយបារាំង ក្នុងការវាយប្រហាររយៈចម្ងាយ ឆ្ងាយប្រឆាំងនឹងទឹកដីរុស្ស៊ីផងដែរ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
