ភ្នំពេញ ៖ “ផ្ការីករៀងរាល់ថ្ងៃ ព្រោះកិច្ចការរបស់យើង សមិទ្ធផលរបស់យើង លើគ្រប់វិស័យតែងចេញ ពីយុទ្ធសាស្ត្រ ផ្ការីកទាំងអស់ ។ យើងធ្វើពីតូចទៅធំ ពីទាបទៅខ្ពស់ ពីតិចទៅច្រើន សូម្បីតែជោគជ័យ នៃការវ៉ាក់សាំង ការពារជំងឺកូវីដ១៩ ក៏ចេញពីអភិក្រមផ្ការីកនេះផងដែរ” ។ នេះជាប្រសាសន៍ របស់សម្តេចតេជោ ហ៊ុន សែន ប្រធានព្រឹទ្ធសភា នាព្រឹកថ្ងៃ១៨ ធ្នូ។
សំណេរ របស់សម្តេចតេជោ ដែលបន្តលើកពីយុទ្ធសាស្រ្តផ្ការីកនេះ សម្តេចបានរៀបរាប់បន្តថា
“យើងចេះតែពាក្យផ្កា ព្រោះយើងមិនចេះពាក្យមេខ្នុរកូនខ្នុរនោះទេ ហើយ យើងក៏មិនមែនជាកសិករ ស្រូវក្តឹបនោះដែរ។ ថ្ងៃនេះផ្ការីកនៅវិមាន៧មករា ម្សិលមិញផ្ការីក នៅវិមានព្រឹទ្ធសភា”។
ជាមួយគ្នានេះដែរ សម្តេចក៏បានប្រកាសថា សម្តេចកំពុងនិពន្ធចម្រៀងមួយបទ គឺបទផ្ការីកគ្រប់រដូវក្រោមម្លប់សន្តិភាព។ ដោយសម្តេចអះអាងដា បទនេះនឹងអាចរាំលេង បានពីគ្រប់អ្នកចង់ រក្សាសន្តិភាព៕
