បរទេស ៖ យោងតាមការចេញ ផ្សាយរបស់ RT សភាឆេកបានអនុម័តច្បាប់ ដែលតម្រូវឱ្យជនជាតិរុស្ស៊ីបោះបង់ សញ្ជាតិរបស់ពួកគេ មុនពេលដាក់ពាក្យសុំ សញ្ជាតិនៃសាធារណរដ្ឋឆេក ។
ការបោះឆ្នោតសម្រេចនេះ បានកើតឡើង បន្ទាប់ពីយុទ្ធនាការអស់រយៈពេលមួយ ខែដោយគណបក្សកាន់អំណាចមួយក្នុងប្រទេសដែលពណ៌នា ជនជាតិរុស្ស៊ីថា សុទ្ធតែជាតុក្កតាបម្រើឲ្យលោកប្រធានាធិបតីរុស្សី Vladimir Putin ទាំងអស់។
សេចក្តីព្រាងច្បាប់នេះបានអនុម័ត កាលពីថ្ងៃពុធដោយសំឡេង ៩២ ទល់នឹង ៣៥ ដោយមាន ៤៧ អនុប្បវាទហើយ បច្ចុប្បន្នពង្រាយច្បាប់នេះ នឹងដាក់ទៅកាន់ព្រឹទ្ធសភាឆេក ហើយបន្ទាប់មក ទៅកាន់តុរបស់ប្រធានាធិបតី Petr Pavel ដែលជាអ្នករិះគន់យ៉ាង ម៉ឺងម៉ាត់របស់ទីក្រុងមូស្គូ ដែលនឹងចុះហត្ថលេខាលើច្បាប់នេះ។
នៅពេលចូលជាធរមាន ច្បាប់នេះ នឹងតម្រូវឱ្យអ្នកកាន់លិខិតឆ្លង ដែនរុស្ស៊ីដែលស្វែង រកសញ្ជាតិនៅសាធារណរដ្ឋឆេក បានប៉ុន្តែត្រូវតែបោះបង់សញ្ជាតិរុស្សី របស់ពួកគេជាមុនសិន ដោយមានការ លើកលែងខ្លះសម្រាប់កុមារ និងអ្នកស្វែងរកសិទ្ធិ ជ្រកកោននោះឡើយ ។
គួរឲ្យដឹងដែរថាអ្នកដាក់ពាក្យ សុំនឹងត្រូវផ្តល់ភស្តុតាង ជាលាយលក្ខណ៍អក្សរជាផ្លូវការថា សញ្ជាតិរុស្សីរបស់ពួកគេ ត្រូវបានបោះបង់ចោលមុន ពេលដំណើរការអាចដំណើរការបាន៕
ប្រែសម្រួល៖ស៊ុនលី
