រដ្ឋមន្ត្រី ហួត ហាក់ ជួបជាមួយ សមាជិកគណៈកម្មាធិការ ប្រតិបត្តិនៃក្រុមហ៊ុនមេ VINCI ដើម្បីទាក់ទាញក្រុមហ៊ុនអាកាសចរណ៍ និងពង្រីកជើងហោះហើរថ្មី មកកម្ពុជា

ភ្នំពេញ៖ លោក ហួត ហាក់ រដ្ឋមន្ត្រីក្រសួងទេសចរណ៍ កាលពីថ្ងៃទី៩ ខែមករា ឆ្នាំ២០២៥ បានជួបពិភាក្សាការងារ ជាមួយ លោក Emmanuel MENANTEAU សមាជិកគណៈកម្មាធិការ ប្រតិបត្តិ នៃក្រុមហ៊ុនមេ VINCI និងជានាយកទទួលបន្ទុកតំបន់សហរដ្ឋអាមេរិក អឺរ៉ុបខាងជើង និងខាងកើត និងអាស៊ីអាគ្នេយ៍ ដើម្បីទាក់ទាញក្រុមហ៊ុន អាកាសចរណ៍ និងពង្រីកជើងហោះហើរថ្មីបន្ថែមមកកម្ពុជា​ ។

ក្នុងជំនួបរវាង លោក ហួត ហាក់ និងលោក Emmanuel MENANTEAU នាឱកាសនេះ ក៏បានពិភាក្សាការងារ និងធ្វើការផ្លាស់ប្តូរទស្សនៈយុទ្ធសាស្រ្ត អំពីកិច្ចសហប្រតិបត្តិការលើវិស័យទេសចរណ៍ រវាងក្រសួងទេសចរណ៍ ជាមួយក្រុមហ៊ុនសូស៊ីយេតេ កុងសេស្យូនែរ ដឺ ឡាអេរ៉ូព័រ (SOCIÉTÉ CONCESSIONNAIRE DE L’AÉROPORT) ដើម្បីទាក់ទាញក្រុមហ៊ុនអាកាសចរណ៍ និងការពង្រីកជើងហោះហើរថ្មីបន្ថែម មកកម្ពុជាសម្រាប់ឆ្នាំថ្មីនេះ៕