អូតាវ៉ា៖ សមាគមអ្នកផលិតប្រព័ន្ធផ្សព្វផ្សាយកាណាដា បានព្រមានពីការរំខានយ៉ាងខ្លាំងដល់វិស័យផលិតកម្មប្រព័ន្ធផ្សព្វផ្សាយ ដោយសារតែលោកប្រធានាធិបតីសហរដ្ឋអាមេរិក ដូណាល់ ត្រាំ ដំឡើងពន្ធលើការផលិតប្រព័ន្ធផ្សព្វផ្សាយអន្តរជាតិ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
សមាគមបានឲ្យដឹងនៅក្នុងសេចក្តីថ្លែងការណ៍មួយថា ខណៈពេលដែលព័ត៌មានលម្អិតជាក់លាក់គឺនៅឆ្ងាយពីភាពច្បាស់លាស់នៅក្នុងចំណុចនេះ សកម្មភាពដែលបានស្នើឡើងនៅក្នុងសេចក្តីប្រកាសរបស់លោក ត្រាំ នឹងបង្កឱ្យមានការរំខាន និងការលំបាកផ្នែកសេដ្ឋកិច្ចដល់វិស័យផលិតកម្មប្រព័ន្ធផ្សព្វផ្សាយទាំងសងខាងនៃព្រំដែនកាណាដា-សហរដ្ឋអាមេរិក។
សេចក្តីថ្លែងការណ៍បានឲ្យដឹងថា សេចក្តីប្រកាស និងភាពមិនច្បាស់លាស់ដែលវាបានបណ្តាលឱ្យគូសបញ្ជាក់ពីសារៈសំខាន់មិនគួរឱ្យជឿនៃការធានាថាប្រទេសកាណាដាមានឧស្សាហកម្មប្រព័ន្ធផ្សព្វផ្សាយក្នុងស្រុកដ៏រឹងមាំ និងឯករាជ្យ។ សមាគមបានឲ្យដឹងថា ពួកគេនឹងធ្វើករណីនេះនៅក្នុងសវនាការរបស់និយតករនាចុងខែនេះ។
គួរបញ្ជាក់ថា លោក ត្រាំ កាលពីថ្ងៃអាទិត្យបានប្រកាសពន្ធ ១០០ ភាគរយលើខ្សែភាពយន្តទាំងអស់ ដែលផលិតនៅក្រៅសហរដ្ឋអាមេរិក។ ទោះបីជាយ៉ាងណាក៏ដោយ សេតវិមានបានឲ្យដឹងកាលពីថ្ងៃចន្ទថា គ្មានការសម្រេចចិត្តចុងក្រោយណាមួយត្រូវបានធ្វើឡើងនោះទេ៕
ប្រែសម្រួល ឈូក បូរ៉ា
