បរទេស៖ ប្រជាជននៅក្នុងរដ្ឋ Kentucky និង រដ្ឋ Missouri បានពិនិត្យមើលការខូចខាត នៅក្នុងស្រុក ដែលរងការវាយប្រហារ ដោយព្យុះកំបុតត្បូង ដែលនៅតែស្ថិតហានិភ័យ ចំពោះអាកាសធាតុកាន់ តែធ្ងន់ធ្ងរនៅខាងមុខ បន្ទាប់ពីព្យុះដែលបានសម្លាប់ មនុស្សជាច្រើននាក់ ខណៈដែលព្យុះបានបោកបក់កាត់ផ្នែកខ្លះនៅ Midwest និង South។
យោងតាមសារព័ត៌មាន AP ចេញផ្សាយនៅថ្ងៃទី១៩ ខែឧសភា ឆ្នាំ២០២៥ បានឱ្យដឹងថា រដ្ឋ Kentucky រងការវាយប្រហារយ៉ាង ធ្ងន់ធ្ងរបំផុត ខណៈដែលខ្យល់ព្យុះកំបុតត្បូងបានបំផ្លិចបំផ្លាញផ្ទះរាប់រយខ្នង រថយន្តក្រឡាប់ និងបន្សល់ទុកប្រជាជន ជាច្រើនគ្មានផ្ទះសម្បែង ។ យ៉ាងហោចណាស់មនុស្ស ១៩ នាក់ បានស្លាប់ ដែលភាគច្រើន នៃអ្នកស្លាប់ គឺនៅភាគអាគ្នេយ៍ Laurel County។
យោងតាមសេវាអាកាសធាតុជាតិ បានឱ្យដឹងថា អ្នកឧតុនិយមបានព្យាករណ៍ ពីអាកាសធាតុចម្រុះ “ច្រើនថ្ងៃ” ថ្មីនៃលក្ខខណ្ឌអាកាសធាតុដ៏គ្រោះថ្នាក់នៅទូទាំង ផ្នែកកណ្តាលរបស់ប្រទេស ជាមួយនឹងភ្លៀងធ្លាក់ខ្លាំង ផ្គរ រន្ទះ និងខ្យល់ព្យុះកំបុតត្បូង ដែលអាចកើតមាន ។
សេវាកម្មអាកាសធាតុបានបញ្ជាក់ពីព្យុះកំបុតត្បូង “ដ៏ធំ និងគ្រោះថ្នាក់បំផុត” នៅរសៀលថ្ងៃអាទិត្យ នៅជិតទីក្រុង Mingus រដ្ឋតិចសាស់ ចម្ងាយប្រហែល ១១០គីឡូម៉ែត្រ ភាគខាងលិចនៃទីក្រុង Fort Worth ។ ការខូចខាតយ៉ាងខ្លាំង ប៉ុន្តែមិនមានអ្នកស្លាប់និងរបួសភ្លាមៗ ត្រូវបានគេរាយការណ៍នៅក្នុង Palo Pinto County ដែលរួមមាន Mingus។
ក្រុមអ្នកព្យាករណ៍បានព្រមាន ពីការធ្លាក់ព្រឹលទំហំកូនបាល់ tennis នៅក្នុងតំបន់នោះ និងធ្វើឱ្យមានភ្លៀង ធ្លាក់នៅកន្លែងផ្សេងទៀតនៅក្នុងផ្នែកខ្លះនៃរដ្ឋ Kansas រដ្ឋ Oklahoma និងរដ្ឋ Nebraska៕
ប្រែសម្រួលៈ ណៃ តុលា
