បរទេស ៖ យានអាវកាស ប្រភេទដឹកទំនិញ របស់ប្រទេសរុស្ស៊ី ដែលផ្ទុកទំនិញផ្គត់ផ្គង់ និងសំភារៈចំនួន ២,៨ តោន បានធ្វើដំណើរចាកចេញ ពីតំបន់ Baikonur Cosmodrome ក្នុងប្រទេសកាហ្សាក់ស្ថាន កាលពីចុងសប្តាហ៍មុន ហើយប្រតិបត្តិការអាចដំណើរ ការបានយ៉ាងជោគជ័យ ដោយនិងបានចុះចត ស្ថានីយ៍អវកាសអន្តរជាតិ ដោយប្រើពេលត្រឹមតែ ៣ ម៉ោងនិង ២១ នាទី។
យានអាវកាស ដឹកទំនិញ ដែលត្រូវបានស្គាល់ ឈ្មោះថាSoyuz 2.1a មិនមានអ្នកបើកបរឡើយ ។ ទំនិញដែលត្រូវបានដឹកជញ្ជូន ទៅកាន់ស្ថានីយអាវកាសអន្តរជាតិ នោះមានដូចជាឧស្ម័ន សម្រាប់ប្រើប្រាស់ម៉ាស៊ីន នៅទីអាវកាស ចំនួន១៥៤៣ផោន អុកស៊ីសែនចំនួន១១០ផោន ទឹកចំនួន២៩៩៤ផោន ព្រមទាំងទំនិញប្រភេទ អាហារនិងភេសជ្ជៈជាច្រើនទៀត។
គួរឲ្យដឹងដែរថា តាមផែនការកម្មវិធី ដឹកជញ្ជូនធំ ចំនួន២ទៀត នឹងធ្វើឡើងសម្រាប់ស្ថានីយ អាវកាសអន្តរជាតិ ដោយក្នុងនោះនៅថ្ងៃទី២០ ខែឧសភាយានអាវកាសជប៉ុន HTV និងមួយទៀតនៅត្រឹមតែ ១សប្តាហ៍ក្រោយNASA និងSpaceX នឹងបង្ហោះយានអាវកាស Dragon ជាមួយនឹងអាវកាសយានិក ចំនួន២រូបគឺលោកBob Behnken និងDoug Hurley៕
ប្រែសម្រួល៖ស៊ុនលី
