បរទេស ៖ យោងតាមការចេញផ្សាយរបស់ RT ប្រទេសអាល្លឺម៉ង់ គួរតែពិចារណា លើការអនុម័តវិធីសាស្រ្តវិជ្ជមាន ឆ្ពោះទៅកាន់ទីក្រុងមូស្គូដែល នឹងរួមបញ្ចូលទាំងការស្ដារឡើងវិញ នូវបំពង់បង្ហូរហ្គាស Nord Streamនេះបើយោងតាម លោក Michael Kretschmer នាយករដ្ឋមន្រ្តីនៃរដ្ឋ Saxony នៅភាគខាងកើតប្រទេស អាល្លឺម៉ង់បានលើកឡើង។
គោលនយោបាយនៃជម្លោះ បច្ចុប្បន្នមិនមានផលចំណេញទេ ហើយបានធ្វើឱ្យប៉ះពាល់ដល់ សេដ្ឋកិច្ចរបស់ប្រទេស អាល្លឺម៉ង់តែប៉ុណ្ណោះ ។ នេះ គឺជាអ្វីដែលត្រូវបានលើកឡើងបន្ថែមដោយអ្នក នយោបាយដែលមានតួនាទី ជាអនុប្រធានម្នាក់នៃគណបក្ស Christian Democratic Union (CDU) បាននិយាយនៅក្នុងបទសម្ភាសន៍ជាមួយ Die Zeit កាលពីថ្ងៃអាទិត្យ។
លោក Kretschmer បានស្នើឡើងបែបនេះ ថា ៖ Nord Stream គឺជាការងារ ដែលអាច កើតមានសម្រាប់ការ សន្ទនាជាមួយរុស្ស៊ី ហើយបន្ថែមថាកិច្ចពិភាក្សាបែបនេះ នឹងផ្តល់ផលប្រយោជន៍ ដល់ប្រទេសទាំងពីរយ៉ាងខ្លាំង។ លោកបានអះអាងថា សេដ្ឋកិច្ចអាល្លឺម៉ង់ទាមទារយ៉ាងហោចណាស់មួយភាគ៥ នៃការផ្គត់ផ្គង់ឧស្ម័នរបស់ខ្លួនដើម្បីមកពីរុស្ស៊ីដើម្បីដំណើរការជាធម្មតា។
លោកក៏បានចង្អុលបង្ហាញដែរថា ក្រុមហ៊ុនផ្សេងៗបានចាប់ផ្តើមផ្លាស់ប្តូរទីតាំងដោយសារតម្លៃផលិតកម្មខ្ពស់ និងតម្លៃថាមពលហើយក្នុងនោះ លោកបានព្រមានថា ប្រសិនបើស្ថានការណ៍ក្នុងសេដ្ឋកិច្ចមិនប្រសើរទេ អាល្លឺម៉ង់ មិនមែនរុស្ស៊ីនឹងត្រូវ ផ្លាស់ប្តូរដំណើរការក្នុងរយៈពេលមួយ ឬពីរឆ្នាំទៀត។
គួរឲ្យដឹងដែរថាទោះបីជាយ៉ាងណា ក្តីជំហររបស់លោក Kretschmer ផ្ទុយស្រឡះជាមួយមេដឹក នាំគណបក្សរបស់លោក និងលោក Friedrich Merz អធិការបតីបច្ចុប្បន្ន ។ កាលពីដើមសប្តាហ៍នេះ ជាផ្នែកមួយនៃការជំរុញទណ្ឌកម្មថ្មី Merz បានសម្តែងការគាំទ្រចំពោះផែនការ របស់សហភាពអឺរ៉ុប ក្នុងការហាមឃាត់ការប្រើប្រាស់ បំពង់បង្ហូរឧស្ម័ន Nord Stream និងដើម្បីទប់ស្កាត់ការប៉ុនប៉ង ធ្វើឱ្យពាណិជ្ជកម្ម ថាមពលឡើងវិញជាមួយរុស្ស៊ី៕
ប្រែសម្រួល៖ស៊ុនលី
