បរទេស៖ យោងតាមគេហទំព័រ តាមដានការដាច់ចរន្តអគ្គិសនី Downdetector.com បានឱ្យដឹងថា វេទិកាប្រព័ន្ធផ្សព្វផ្សាយសង្គម X របស់មហាសេដ្ឋី Elon Musk ត្រូវបានស្តារឡើងវិញយ៉ាងទូលំទូលាយ សម្រាប់អ្នកប្រើប្រាស់ភាគច្រើន បន្ទាប់ពីមានការសេវាដែលប៉ះពាល់ដល់អ្នកប្រើប្រាស់រាប់ម៉ឺននាក់ នៅសហរដ្ឋអាមេរិកកាលពីថ្ងៃសៅរ៍ ។ លោក Elon Musk បាននិយាយថា លោក “ត្រលប់ទៅចំណាយពេល ២៤ម៉ោង ក្នុងរយៈពេល៧ថ្ងៃ” នៅក្រុមហ៊ុនរបស់លោកវិញ។
យោងតាមសារព័ត៌មាន រ៉យទ័រ ចេញផ្សាយ កាលពីថ្ងៃទី២៥ ខែឧសភា ឆ្នាំ២០២៥ បានឱ្យដឹងថា នៅវេលាម៉ោង ប្រហែលម៉ោង ៨៖៥១នាទីព្រឹក គឺមានឧប្បត្តិហេតុ ចំនួនជាង ២៥.៨០០ ដែលគេបានរាយការណ៍ពីបញ្ហា ជាមួយនឹងវេទិកាប្រព័ន្ធផ្សព្វផ្សាយសង្គម X, នេះបើយោង តាមគេហទំព័រ Downdetector ដែលតាមដានការដាច់ភ្លើង ដោយការប្រមូលផ្តុំរបាយ ការណ៍ស្ថានភាពពីប្រភពមួយចំនួនរួមទាំងអ្នកប្រើប្រាស់ផងដែរ។ ចំនួននៃការសេវាបាន ធ្លាក់ចុះក្រោម ៦៥០ គិតត្រឹមម៉ោង ១២៖០៩នាទីយប់។
លោក Elon Musk បាននិយាយនៅក្នុង X ថា “ត្រលប់ទៅការចំណាយពេល ២៤ម៉ោង ក្នុងមួយសប្តាហ៍ នៅកន្លែងធ្វើការ ហើយសម្រាក (គេង) នៅក្នុងបន្ទប់សន្និសីទ/ម៉ាស៊ីនមេ/រោងចក្រ។ ខ្ញុំត្រូវតែផ្តោតខ្លាំងលើ X/xAI និង Tesla (TSLA.O)) បើកផ្ទាំងថ្មី (បូកនឹងការ បើកដំណើរការ Starship នៅសប្តាហ៍ក្រោយ) ខណៈដែលយើងមាន បច្ចេកវិទ្យាសំខាន់ៗ កំពុងដំណើរការ” ។
អ្នកប្រើប្រាស់រាប់ម៉ឺនសែននាក់ក្នុងប្រទេសផ្សេងទៀតដូចជា អាល្លឺម៉ង់ អេស្ប៉ាញ បារាំង ឥណ្ឌា កាណាដា អូស្ត្រាលី និងអង់គ្លេសក៏បានជួបប្រទះបញ្ហាជាមួយនឹងការចូលប្រើប្រព័ន្ធផ្សព្វផ្សាយសង្គមនៅពេលដាច់ភ្លើង, នេះបើយោងតាមទិន្នន័យពី Downdetector ។ បណ្តាញសង្គម X មិនបានឆ្លើយតបភ្លាមៗ ចំពោះសំណើរបស់រ៉យទ័រ សម្រាប់ការអត្ថាធិប្បាយអំពីការដាច់សេវានោះទេ។
លោក Elon Musk ដែលបានចំណាយប្រាក់ជិត ៣០០ លានដុល្លារដើម្បីគាំទ្រយុទ្ធនាការប្រធានាធិបតីអាមេរិក Donald Trump និងគណបក្សសាធារណរដ្ឋផ្សេងទៀតកាលពីឆ្នាំមុន បាននិយាយ កាលពីថ្ងៃអង្គារថា លោកនឹងកាត់បន្ថយការ ចំណាយ ផ្នែកនយោបាយ របស់លោក យ៉ាងខ្លាំងដែលជាសញ្ញាថា លោកកំពុងផ្លាស់ប្តូរការ យកចិត្តទុកដាក់ ត្រលប់ទៅចក្រភពអាជីវកម្ម របស់លោកវិញ ចំពេលមានការព្រួយ បារម្ភពីអ្នកវិនិយោគ។
លោកបានដឹកនាំក្រសួងប្រសិទ្ធភាពរដ្ឋាភិបាល ដែលស្វែងរកការលុបបំបាត់ ការងាររាប់ម៉ឺនកន្លែង និងលុបចោលកិច្ចសន្យា និងជំនួយឥតសំណង រាប់ពាន់លានដុល្លារ។
ទោះជាយ៉ាងណាក៏ដោយ ទស្សនៈនយោបាយ របស់លោកបានបង្កឱ្យមានរលក នៃការតវ៉ាប្រឆាំងនឹងក្រុមហ៊ុន Tesla នៅសហរដ្ឋអាមេរិក និងអឺរ៉ុប ដែលនាំឱ្យមានការធ្លាក់ចុះ នៃការលក់ ដោយក្រុមហ៊ុនផលិតរថយន្ត បានរាយការណ៍ពីការធ្លាក់ចុះ ជាលើកដំបូងនៃការចែកចាយប្រចាំឆ្នាំកាលពីឆ្នាំមុន៕
ប្រែសម្រួលៈ ណៃ តុលា
