បរទេស៖ ការឆ្លើយតបរបស់ទីក្រុងតេហេរ៉ង់ចំពោះការវាយឆ្មក់តាមអាកាសរបស់អ៊ីស្រាអែលលើសាធារណរដ្ឋអ៊ីស្លាម គឺបាន “ឆ្លងកាត់បន្ទាត់ក្រហម” ហើយ។ រដ្ឋមន្ត្រីការពារជាតិរបស់រដ្ឋជ្វីហ្វគឺលោក Israel Katz បាននិយាយដោយប្តេជ្ញាថា នឹងធ្វើឱ្យអ៊ីរ៉ង់ចំណាយ “តម្លៃដ៏ធ្ងន់” សម្រាប់សកម្មភាពរបស់ខ្លួននេះ។
យោងតាមសារព័ត៌មាន RT ចេញផ្សាយនៅថ្ងៃទី១៣ ខែមិថុនា ឆ្នាំ២០២៥ បានឱ្យដឹងថា អ៊ីរ៉ង់បានបាញ់មីស៊ីលដ៏ខ្លាំងក្លាកាលពីល្ងាចថ្ងៃសុក្រ ដើម្បីជាការឆ្លើយតបនឹងការវាយប្រហារផ្លូវអាកាសរបស់អ៊ីស្រាអែលជាបន្តបន្ទាប់ដែលសំដៅលើទីតាំងយោធា និងនុយក្លេអ៊ែរនៅក្នុងសាធារណរដ្ឋអ៊ីស្លាមនៅថ្ងៃដដែល។ យោងតាមប្រព័ន្ធផ្សព្វផ្សាយអ៊ីរ៉ង់ បានឱ្យដឹងថា យោធារបស់ប្រទេសនេះបានបាញ់មីស៊ីល “រាប់រយគ្រាប់” ទៅកាន់អ៊ីស្រាអែល ក្នុងរលកជាច្រើន ។
យ៉ាងណាក៏ដោយ កងកម្លាំងការពារអ៊ីស្រាអែល បានអះអាងថា មីស៊ីលផ្លោងតិចជាង ១០០ គ្រាប់ត្រូវបានបាញ់មកលើអ៊ីស្រាអែល នៅក្នុងបន្ទាយពីរ។
បើយោងតាមអាជ្ញាធរវេជ្ជសាស្ត្រអ៊ីស្រាអែល គឺយ៉ាងហោចណាស់មនុស្ស ៣៥ នាក់បានរងរបួសនៅក្នុងការវាយប្រហាររបស់អ៊ីរ៉ង់, ស្ត្រីម្នាក់ស្ថិតក្នុងស្ថានភាពធ្ងន់ធ្ងរ។ ទីក្រុង Tel Aviv ទំនងជាគោលដៅសំខាន់មួយសម្រាប់ការវាយប្រហាររបស់អ៊ីរ៉ង់។ អាជ្ញាធរអ៊ីស្រាអែលបានបញ្ជាក់ពីទីតាំងប៉ះពាល់យ៉ាងហោចណាស់ចំនួនប្រាំពីរក្នុងតំបន់ទីក្រុង។
ការវាយប្រហាររបស់អ៊ីស្រាអែលកាលពីព្រឹកថ្ងៃសុក្រ គឺបានសម្លាប់ឧត្តមសេនីយ Hossein Salami មេបញ្ជាការកងឆ្មាំបដិវត្តន៍ឥស្លាមវរជនអ៊ីរ៉ង់ (IRGC) និងឧត្តមសេនីយ Mohammad Bagheri ដែលជាប្រធានបុគ្គលិកនៃកងកម្លាំងប្រដាប់អាវុធអ៊ីរ៉ង់ ៕
ប្រែសម្រួលៈ ណៃ តុលា
