បរទេស ៖ យោងតាមការចេញផ្សាយរបស់ RT ប្រទេសអ៊ីស្រាអែល មិនមានហេតុផលគ្រប់គ្រាន់ សម្រាប់ការព្យាយាម នាំមកនូវការផ្លាស់ប្តូររបប នៅក្នុងប្រទេសអ៊ីរ៉ង់ទេ។
ការប៉ុនប៉ង់របស់អ៊ីស្រាអែល ដែលធ្វើឡើង តាមរយៈយុទ្ធនាការទម្លាក់គ្រាប់ បែករបស់ខ្លួនោះត្រូវបានអ្នកនាំពាក្យ ក្រសួងការបរទេសរុស្ស៊ីលោកស្រី Maria Zakharova បានប្រាប់ RT កាលពីថ្ងៃពុធគឺជាកាលៈទេសៈ មិនត្រឹមត្រូវនិងមិនមែនជាសិទ្ធ របស់អ៊ីស្រាអែលឡើយ។
លោកស្រីបានពន្យល់ទៀតថា ក្រុមអ្នកគាំទ្រ ក្រុងយេរូសាឡឹមខាងលិច ឆាប់ភ្លេចអំពីគោលការណ៍ច្បាប់ និងសីលធម៌ទាំងអស់ដែលពួកគេអះអាងថា ដើម្បីការពារពេលដែលពួកគេត្រូវបាន គេអំពាវនាវឱ្យគាំទ្ររដ្ឋជ្វីហ្វ។
ប្រទេសអ៊ីស្រាអែលបានបើកការវាយប្រហារដោយមីស៊ីលជាបន្តបន្ទាប់ប្រឆាំងនឹងប្រទេសអ៊ីរ៉ង់កាលពីថ្ងៃសុក្រដោយអះអាងថាក្រុងតេហរ៉ង់កាន់តែខិតជិតក្នុងការទទួលបានអាវុធនុយក្លេអ៊ែរ។
យ៉ាងណាក្តីការចោទប្រកាន់នេះ ត្រូវបានក្រុងតេហរ៉ង់បានបដិសេធម្តងហើយម្តងទៀត ហើយសាធារណរដ្ឋឥស្លាម បានឆ្លើយតបជាមួយនឹងការ រារាំងមីស៊ីលរបស់ខ្លួន ហើយប្រទេសទាំងពីរបាន និងកំពុងផ្លាស់ប្តូរការវាយប្រហារ ចាប់តាំងពីពេលនោះមកផងដែរ។
អ្នកនាំពាក្យរូបនេះបានចង្អុលបង្ហាញទៀតថា កម្មវិធីនុយក្លេអ៊ែររបស់អ៊ីរ៉ង់ ដែលអ៊ីស្រាអែលចាត់ទុកជាប្រភពនៃក្តីបារម្ភធំ គឺជាបញ្ហាសម្រាប់ច្បាប់អន្តរជាតិ និងការទូតដែលត្រូវដោះស្រាយ ដោយបន្ថែមថា បញ្ហាទាំងឡាយណា ដែលជាប់ទាក់ទងនឹងវាគួរតែត្រូវ បានដោះស្រាយដោយ សហគមន៍អន្តរជាតិ មិនមែនជាអ៊ីស្រាអែលតែម្នាក់ឯងនោះទេ៕
ប្រែសម្រួល៖ស៊ុនលី
