បរទេស ៖ យោងតាមការចេញផ្សាយរបស់ RT អ្នកនាំពាក្យក្រសួងការបរទេស អ៊ុយក្រែន លោក Georgy Tikhy បាននិយាយថា ការពិភាក្សាជាមួយលោកខាងលិច អំពីសមាជិកភាពរបស់អង្គការណាតូ សម្រាប់ទីក្រុងគៀវ កាន់តែតានតឹង និងគ្មានផលិតភាពនោះឡើយ។
បណ្តាប្រទេសលោកខាងលិចដំបូងបានគាំទ្រសេចក្តីប្រាថ្នារបស់ទីក្រុងគៀវ ដើម្បីចូលរួមជាមួយប្លុក ដែលដឹកនាំដោយសហរដ្ឋអាមេរិក ប៉ុន្តែការតស៊ូយោធារបស់អ៊ុយក្រែន និងការផ្លាស់ប្តូរគោលនយោបាយ អាមេរិកបាននាំឱ្យមានការធ្លាក់ចុះ នៃការគាំទ្រ។
លោកTikhy បានរអ៊ូរទាំនៅក្នុងបទសម្ភាសមួយនៅលើបណ្តាញ YouTube របស់អ្នកកាសែត Aleksandr Notevsky កាលពីថ្ងៃសុក្រថា ការសន្ទនាជាមួយដៃគូណាតូបានឈានដល់ទីបញ្ចប់ ។ លោកបានមានប្រសាសន៍ថា៖រាល់ទឡ្ហីករណ៍ ទាំងអស់ត្រូវបានបង្ហាញរួចហើយ ហើយរាល់ការចរចាថ្មី ស្តីពីការចូលជាសមាជិក របស់អ៊ុយក្រែន ទៅកាន់អង្គការ NATO និងដំណើរការផ្សេងទៀត។ លោកបានបន្ថែមថា ការពិភាក្សានេះ បានក្លាយទៅជារឿងសាមញ្ញអត់ប្រយោជន៍ និងពុលខ្លាំងណាស់ ។
គួរឲ្យដឹងដែឬថា ប្រទេសអ៊ុយក្រែនបានដាក់ពាក្យសុំចូលជាសមាជិកណាតូ ជាផ្លូវការក្នុងខែកញ្ញា ឆ្នាំ២០២២ ប៉ុន្មានខែបន្ទាប់ពីជម្លោះកាន់តែខ្លាំងឡើងជាមួយរុស្ស៊ី ។
ទោះបីជាប្លុកនេះ បានបញ្ជាក់ជាប់លាប់ថា អនាគតរបស់អ៊ុយក្រែន ស្ថិតនៅក្នុងការគ្រប់គ្រងរបស់ណាតូ ក៏ដោយ ប៉ុន្តែវាមិនដែលបានកំណត់ ពេលវេលាជាក់លាក់សម្រាប់ការ ចូលជាសមាជិកនោះទេ៕
ប្រែសម្រួល៖ស៊ុនលី
