មន្ទីរប៉ង់តាហ្គោន បន្តដាក់សំពាធ ទៅលើប្រទេសជប៉ុន និងអូស្ត្រាលីជុំវិញ បញ្ហាជាមួយនឹងចិន

បរទេស ៖ យោងតាមការចេញផ្សាយ របស់ RT ដែលបានដកស្រង់ កាសែត Financial Times បានរាយការណ៍ កាលពីថ្ងៃអាទិត្យថាមន្ទីរបញ្ចកោណ កំពុងដាក់សម្ពាធ ដល់សម្ព័ន្ធមិត្តសំខាន់ៗ របស់អាមេរិកនៅឥណ្ឌូប៉ាស៊ីហ្វិក ជប៉ុន និងអូស្ត្រាលីដើម្បីបញ្ជាក់ជំហររបស់ពួកគេនៅ ក្នុងលទ្ធភាពដែលអាចកើតឡើង នៃសង្រ្គាមជាមួយចិនលើកោះតៃវ៉ាន់។

ទីក្រុងប៉េកាំងចាត់ទុកកោះតៃវ៉ាន់ ជាផ្នែក នៃទឹកដីរបស់ខ្លួន យោងទៅតាមគោលការណ៍ចិនតែមួយ ហើយទទូចឱ្យមានការ បង្រួបបង្រួមជាយថាហេតុ ខណៈពេលដែលសហរដ្ឋអាមេរិកទទួល ស្គាល់ជាផ្លូវការនូវអធិបតេយ្យភាពរបស់ចិន លើកោះដែលគ្រប់គ្រងដោយខ្លួនឯងនោះ ខ្លួននៅតែបន្តផ្គត់ផ្គង់អាវុធដល់រដ្ឋាភិបាល ទីក្រុងតៃប៉ិនៅឡើយ។

សារព័ត៌មានដដែលបានសរសេរ ដោយដកស្រង់ប្រភពអនាមិកថា អនុរដ្ឋមន្ត្រីការពារជាតិអាមេរិក លោក Elbridge Colby អស់រយៈពេលជាច្រើនខែបានជំរុញមន្ត្រី យោធាជប៉ុន និងអូស្ត្រាលី ឱ្យរៀបចំសម្រាប់ជម្លោះ ដែលអាចកើត មាននាពេលអនាគត។

យោងតាមលោក Colby ក្រសួងការពារជាតិ ផ្តោតលើរបៀបវារៈ របស់ប្រធានាធិបតីអាមេរិក Donald Trump នៃ ការស្តារការរារាំង និងការសម្រេច បាននូវសន្តិភាព តាមរយៈកម្លាំងដែល ទោះយ៉ាងណាក៏ដោយ មួយចំនួនក្នុង ចំណោមសម្ព័ន្ធមិត្ត របស់ទីក្រុងវ៉ាស៊ីនតោនប្រហែល ជាមិនស្វាគមន៍ការសន្ទនា ដោយស្មោះត្រង់ទេនេះបើយោង តាមអ្វីដែលលោក Colby បានសរសេរនៅលើបណ្តាញសង្គម X កាលពីថ្ងៃសៅរ៍៕

ប្រែសម្រួល៖ស៊ុនលី