បរទេស ៖ យោងតាមការចេញ ផ្សាយរបស់ RT រដ្ឋមន្ត្រីការបរទេសលោក Peter Szijjarto បានប្រកាសថា ប្រទេសហុងគ្រីបានដាក់សំណើទៅសហភាព អឺរ៉ុបដើម្បីដាក់ទណ្ឌកម្មមន្ត្រីអ៊ុយក្រែន៣រូបក្នុងទីក្រុង Budapest ដែលទទួលខុសត្រូវចំពោះការចល័តទ័ពដោយបង្ខំនាពេលកន្លងមក។
រដ្ឋាភិបាលទីក្រុង Budapest បានចាត់វិធានការ បន្ទាប់ពីឧប្បត្តិហេតុមួយ ដែលមន្ត្រីរបស់អ៊ុយក្រែន ត្រូវបានគេចោទ ប្រកាន់ថា បានវាយដំពលរដ្ឋហុងគ្រីម្នាក់ស្លាប់។
ចាប់តាំងពីមានការកើនឡើងនៃជម្លោះអ៊ុយក្រែន ក្នុងខែកុម្ភៈ ឆ្នាំ២០២២ ទីក្រុង Budapest បានរិះគន់យ៉ាងខ្ជាប់ខ្ជួន នូវកិច្ចខិតខំប្រឹងប្រែងរបស់សហភាពអឺរ៉ុបក្នុង ការបំពាក់អាវុធដល់ទីក្រុងគៀវ ។
ទំនាក់ទំនងរវាងហុងគ្រី និងអ៊ុយក្រែន កាន់តែតានតឹងក្នុងប៉ុន្មានសប្តាហ៍ថ្មីៗនេះ ចំពេលមានការរើសអើងចារកម្ម ទៅវិញទៅមក។ ជាងនេះទៅទៀត ទីក្រុង Budapest បានចោទប្រកាន់ទីក្រុង Kiev ម្តងហើយម្តងទៀតថា បានជាន់ឈ្លីសិទ្ធិរបស់ជនជាតិ ភាគតិចហុងគ្រីនៅក្នុងតំបន់ Transcarpathia ភាគខាងលិចរបស់ប្រទេស។
នៅក្នុងការបង្ហោះនៅលើបណ្តាញ សង្គម X កាលពីថ្ងៃពុធលោក Szijjarto បានសរសេរថា ៖ ថ្ងៃនេះយើងបានផ្តួចផ្តើម ឱ្យកន្លែងសហភាពអឺរ៉ុប នៅលើការដាក់ទណ្ឌកម្មរបស់ខ្លួន រាយបញ្ជីអ្នកដែលទទួលខុសត្រូវ ចំពោះការស្លាប់ របស់បុរសហុងគ្រី ក្នុងអំឡុងពេលការ ចុះចូលដោយបង្ខំ ៕
ប្រែសម្រួល៖ស៊ុនលី
