ហ្សឺណែវៈ អង្គការពាណិជ្ជកម្មពិភពលោក (WTO) បានបន្ទាបការព្យាករណ៍របស់ខ្លួន សម្រាប់កំណើនពាណិជ្ជកម្មទំនិញសកលនៅឆ្នាំ២០២៦ មកត្រឹម ១.៨ ភាគរយពីការ ប៉ាន់ប្រមាណពីមុន ២.៥ ភាគរយ ដោយសារពន្ធកើនឡើង។
នៅក្នុងការអាប់ដេតការព្យាករណ៍ពាណិជ្ជកម្មចុងក្រោយរបស់ខ្លួន WTO បានឲ្យដឹងថាការផ្លាស់ប្តូរពន្ធនាពេលថ្មីៗនេះត្រូវបានគេរំពឹងថា នឹងមានផលប៉ះពាល់អវិជ្ជមាន ជារួមទៅលើទស្សនវិស័យ សម្រាប់ពាណិជ្ជកម្មសកល។
WTO បានឲ្យដឹងថា អត្រា “ពន្ធទៅវិញទៅមក” ខ្ពស់ដែលណែនាំដោយសហរដ្ឋអាមេរិកកាលពីថ្ងៃទី៧ ខែសីហា ត្រូវបានគេរំពឹងថា នឹងថ្លឹងថ្លែងកាន់តែខ្លាំងលើការ នាំចូល របស់សហរដ្ឋអាមេរិក និងធ្វើឱ្យការនាំចេញរបស់ដៃ គូពាណិជ្ជកម្មរបស់សហរដ្ឋអាមេរិក ធ្លាក់ចុះនៅក្នុងឆមាសទីពីរនៃឆ្នាំ២០២៥ និងនៅឆ្នាំ២០២៦ ។
ឥឡូវនេះ WTO ព្យាករថាពាណិជ្ជកម្ម ទំនិញពិភពលោកនឹងកើនឡើង ០.៩ ភាគរយនៅឆ្នាំ ២០២៥ ដោយបានកែសម្រួលការព្យាករណ៍ មុនរបស់ខ្លួនអំពីការធ្លាក់ចុះ ០.២ ភាគរយ ដែលបានធ្វើឡើងនៅពាក់កណ្តាលខែមេសា បន្ទាប់ពីការប្រកាសរបស់សហរដ្ឋអាមេរិក អំពី “ពន្ធទៅវិញទៅមក” និងការផ្អាកបណ្តោះអាសន្នរយៈពេល ៩០ថ្ងៃលើទំនិញមួយចំនួន។
WTO បានកត់សម្គាល់ថា ទស្សនវិស័យកំណើន ដែលត្រូវបានកែសម្រួលត្រូវបានជំរុញភាគច្រើន ដោយការផ្ទុកផ្នែកខាងមុខ នៃការនាំចូលរបស់សហរដ្ឋអាមេរិក ប៉ុន្តែបានសង្កត់ធ្ងន់ថាការព្យាករណ៍នៅតែទាបជាង ការប៉ាន់ប្រមាណមុនពន្ធគយចំនួន ២.៧ ភាគរយ៕
ប្រែសម្រួល ឈូក បូរ៉ា
