លោក ដូណាល់ ត្រាំ បញ្ជាក់ថា មាសនឹងត្រូវបានលើកលែងពីពន្ធ ហើយតម្លៃមាស នឹងធ្លាក់ចុះនាពេលអនាគត
ញូវយ៉កៈ ប្រធានាធិបតីអាមេរិក លោក ដូណាល់ ត្រាំ បានឲ្យដឹងថា មាសនឹងត្រូវបានលើកលែងពីពន្ធគយ ដែលនាំឱ្យតម្លៃមាស នាពេលអនាគតនឹងធ្លាក់ចុះ។ លោកប្រធានាធិបតីបានគូសបញ្ជាក់ថា មាសនឹងមិនត្រូវបានដាក់ ពន្ធនោះទេ!” នេះបើតាមការលើកឡើងរបស់លោកនៅក្នុងការបង្ហោះខ្លីមួយនៅលើ Truth Social។
តម្លៃមាសនាពេលអនាគត ដែលគាំទ្រ ដោយរបារដឹកជញ្ជូនពីប្រទេសស្វីស និងមជ្ឈមណ្ឌលជួញដូរ និងចម្រាញ់សំខាន់ៗផ្សេងទៀត បានឡើងគួរឱ្យកត់សម្គាល់នៅថ្ងៃព្រហស្បតិ៍ និងថ្ងៃសុក្រ ដោយសារតែការរំពឹងទុកថា គយ និងការការពារព្រំដែនរបស់សហរដ្ឋអាមេរិក នឹងចាត់ថ្នាក់ដុំមាសទម្ងន់ ១ គីឡូ និង ១០០ អោននៅក្រោមលេខកូដគយ ដែលដាក់ឱ្យពួកគេជាប់ពន្ធ។
កាលពីថ្ងៃចន្ទ មាសអនាគតសម្រាប់ ការចែកចាយខែសីហា នៅផ្សារហ៊ុន New York Mercantile Exchange បានបាត់បង់ ឬធ្លាក់ចុះជាង ២ ភាគរយ។ ថ្មីៗនេះសហរដ្ឋអាមេរិក បានដាក់ពន្ធ ៣៩ ភាគរយលើទំនិញដែលនាំចូលពីប្រទេសស្វីស ដែលរក្សាបានទុនបម្រុងមាសយ៉ាងសំខាន់ និងដើរតួនាទីយ៉ាងសំខាន់ ក្នុងការដោះស្រាយអនាគតមាស នៅលើទីផ្សារអន្តរជាតិ៕
ប្រែសម្រួល ឈូក បូរ៉ា
