សេអ៊ូល៖ ទីភ្នាក់ងារចារកម្មរបស់កូរ៉េខាងត្បូង បានបដិសេធការរំពឹងទុកអំពីជម្ងឺ របស់មេដឹកនាំកូរ៉េខាងជើងលោក គីម ជុងអ៊ុន និងធ្វើការវះកាត់បេះដូង កាលពីថ្ងៃពុធ ដោយបន្ថែមថា លោកកំពុងគ្រប់គ្រង របបនេះជាធម្មតា។
សេវាស៊ើបការណ៍ជាតិ (NIS) ក៏បានឲ្យដឹងនៅក្នុងសន្និសីទ កាសែតបិទទ្វារ ដល់សមាជិកសភាផងដែរថា មេដឹកនាំកូរ៉េខាងជើង បានបង្ហាញខ្លួនជា សាធារណៈចំនួន ១៧ ដងហើយរហូតមកដល់ពេលនេះ គឺមានតិចតួចបំផុត ដោយសារតែការផ្តោតអារម្មណ៍ របស់លោកទៅលើកិច្ចការក្នុងស្រុក និងផលប៉ះពាល់នៃការរាតត្បាត នៃជំងឺឆ្លង។
លោក Kim Byung-kee មកពីគណបក្សប្រជាធិបតេយ្យ ដែលកំពុងកាន់អំណាច បានប្រាប់អ្នកសារព័ត៌មានថា “យ៉ាងហោចណាស់វាត្រូវបានគេវិនិច្ឆ័យថា លោក គីម មិនបានទទួលការវះកាត់ ឬនីតិវិធីវេជ្ជសាស្ត្រ ដែលទាក់ទងនឹងបេះដូង របស់លោកនោះទេ” ៕
ដោយ ឈូក បូរ៉ា
