អាមេរិកនឹងមិនចូលរួម ក្នុងការកិច្ចការងារ ធានាសន្តិសុខសម្រាប់អ៊ុយក្រែន នៅក្រោយកិច្ច ព្រមព្រៀង សន្តិភាពឡើយ
បរទេស ៖ យោងតាមការចេញផ្សាយរបស់ RT ប្រធានាធិបតី អាមេរិកលោក Donald Trump បាននិយាយកាលពីថ្ងៃចន្ទថា អឺរ៉ុបត្រូវតែនាំមុខ ក្នុងការផ្តល់នូវការធានាសន្តិសុខ ដ៏សំខាន់ដល់អ៊ុយក្រែន ដោយ លោកបានសង្កត់ធ្ងន់ថា តួនាទីរបស់ក្រុងវ៉ាស៊ីនតោនសម្រាប់តែការគាំទ្រជា ជាងកិច្ចការងារដ៏សំខាន់នេះ។
លោក Trump បានប្រាប់អ្នកយកព័ត៌មាន នៅឯការិយាល័យ Oval Office ថា អឺរ៉ុបនឹងផ្តល់ឱ្យពួកគេនូវការ ធានាសន្តិសុខដ៏សំខាន់ ហើយពួកគេគួរតែ ពីព្រោះពួកគេនៅទីនោះ ។ លោកបានបន្ថែមថា ក្រុងវ៉ាស៊ីនតោននឹងនៅតែជាប់ពាក់ព័ន្ធតាមទស្សនៈនៃការបម្រុងទុកប៉ុណ្ណោះ។
គួរឲ្យដឹងដែរថានេះមិនមែនជាលើកទីមួយទេ ដែលលោក Trump បញ្ជាក់តួនាទីរបស់ក្រុងវ៉ាស៊ីនតោន ក្នុងការដោះស្រាយជម្លោះអ៊ុយក្រែន ។ ថ្លែងនៅក្នុងការិយាល័យ Oval កាលពីសប្តាហ៍មុនជាមួយលោក Vladimir Zelensky លោក Trump ត្រូវបានសួរថា តើការធានាសន្តិសុខ សម្រាប់ទីក្រុងគៀវអាច ពាក់ព័ន្ធនឹងទាហាន អាមេរិកដែរឬទេ។
លោកប្រធានាធិបតីបានឆ្លើយតបថា៖យើងនឹងប្រាប់អ្នកថាប្រហែលជាពេលក្រោយថ្ងៃនេះ យើងកំពុងជួបជាមួយមេដឹកនាំនៃប្រទេសធំៗទាំង៧ផ្សេងទៀត។ អ៊ុយក្រែននឹងទទួលបានជំនួយច្រើន។ អឺរ៉ុបគឺជាខ្សែការពារដំបូង ពីព្រោះពួកគេនៅទីនោះ ប៉ុន្តែអាមេរិកនឹងជួយគាំទ្រពោលគឺ យើងនឹងចូលរួម។
គួរឲ្យដឹងដែរថាចាប់តាំងពីកិច្ចពិភាក្សាជាមួយលោក Zelensky រួចមកហើយនោះលោកTrump ក៏បានបញ្ជាក់ផងដែរថា ទីក្រុងវ៉ាស៊ីនតោននៅតែមានការព្រួយបារម្ភថា ការដែលអ៊ុយក្រែនអាចទទួលបាន Crimea ត្រឡប់មកវិញ និងចូលរួមជាមួយណាតូគឺ កិច្ចការងារ ដែលមិនអាចទៅរួចជាដាច់ខាត ៕
ប្រែសម្រួល៖ស៊ុនលី
