ចិនបដិសេធ មិនចង់ចូលរួមកិច្ចពិភាក្សា ដើម្បីកាត់បន្ថយគ្រាប់ នុយក្លេអ៊ែរជាមួយ អាមេរិកនិងរុស្សី
បរទេស ៖ យោងតាមការចេញផ្សាយរបស់ RT ប្រទេសចិន បាននិយាយកាលពីថ្ងៃពុធថា ខ្លួននឹងមិនចូលរួមក្នុង កិច្ចពិភាក្សាស្តីពីការរំសាយ អាវុធនុយក្លេអ៊ែរជាមួយ សហរដ្ឋអាមេរិក និងរុស្ស៊ីនោះទេ។
មិនត្រឹមតែប៉ុណ្ណោះចិនក៏បានហៅ គំនិតនេះថា មិនសមហេតុផល និងមិនប្រាកដនិយមផងដែរ ពីព្រោះថាបច្ចុប្បន្នចិនមានអាវុធ នុយក្លេអ៊ែរតិចតួចបំផុត សម្រាប់ការពារជាតិ។
ដោយសួរដើម្បីធ្វើអត្ថាធិប្បាយលើសំណើ របស់លោកប្រធានាធិបតីអាមេរិក Donald Trump សម្រាប់ទីក្រុងប៉េកាំងដើម្បីចូលរួមក្នុងគំនិតផ្តួចផ្តើមនេះ អ្នកនាំពាក្យក្រសួងការបរទេសលោក Guo Jiakun បានឆ្លើយតបថា ចិន និងអាមេរិកមិនស្ថិតនៅកម្រិតសមត្ថភាពនុយក្លេអ៊ែរដូចគ្នាទេ។
លោក Gou បានសង្កត់ធ្ងន់ថា ទីក្រុងប៉េកាំងអនុវត្តតាមគោលនយោបាយ មិនប្រើមុនឬ no first use policy ដ៏តឹងរឹង និងរក្សាស្តុកទុកនៅកម្រិតអប្បបរមាដែលត្រូវការសម្រាប់សន្តិសុខជាតិ។ លោកបានមានប្រសាសន៍ទៀតថា៖ចិនមិនដែលចូលរួមក្នុងការប្រណាំងអាវុធជាមួយអ្នកណានោះទេ ដោយហៅវាថាមិនសមហេតុផល ឬប្រាកដនិយមក្នុងការសុំឲ្យចិនចូលរួមនោះទេ។
លោក Trump កាលពីថ្ងៃចន្ទបានលាតត្រដាងថា លោកបានពិភាក្សា អំពីការកាត់បន្ថយអាវុធ នុយក្លេអ៊ែរ ជាមួយប្រធានាធិបតីរុស្ស៊ី លោក Vladimir Pputin ក្នុងអំឡុងពេលកិច្ចប្រជុំរបស់ពួកគេនៅអាឡាស្កា។ លោកបានបញ្ជាក់បែបនេះថា ៖ យើងកំពុងនិយាយអំពីការកំណត់នុយក្លេអ៊ែរ យើងនឹងធ្វើឲ្យចិនចូលក្នុងរឿងនោះដែរ។
លោក Trump ក៏បានបញ្ជាក់ទៀតដែរថា អាមេរិក គឺជាអ្នកមានក្បាលគ្រាប់ច្រើនបំផុត រុស្ស៊ីមានច្រើនជាងគេទីពីរ ហើយចិនមានលេខបី។ ប៉ុន្តែយ៉ាងណាក្តីចិនក្នុងរយៈពេលប្រាំឆ្នាំទៀត នឹងអាចកើនឡើង លើសអ្វីដែលអាមេរិកមាន៕
ប្រែសម្រួល៖ស៊ុនលី
