បេក្ខជនម្នាក់ នៅមណ្ឌលប្រឡងខេត្តសៀមរាបដួលប៉ះទង្គិចក្បាលធ្ងន់ធ្ងរបាត់បង់ស្មារតី មិនអាចប្រឡងបាននៅព្រឹកនេះ
By
Posted on
ភ្នំពេញ ៖ បេក្ខជនឈ្មោះ ដូង ពនេអព្យា ភេទប្រុស បន្ទប់លេខ២៩ លេខតុ៧១៤ បានដួលប៉ះទង្គិចក្បាល យ៉ាធ្ងន់ធ្ងរ បាត់បង់ស្មារតី នៅម៉ោង៥និង២០នាទីព្រឹកថ្ងៃ២៩ សីហានេះ ដោយមិនអាចប្រឡងបាននោះទេ ។
បើតាមការផ្ដល់ព័ត៌មាន ពីអាណាព្យាបាល កាលពីវេលាម៉ោង៥៖២០នាទីព្រឹក ថ្ងៃទី២៩ ខែសីហា ឆ្នាំ២០២៥ បេក្ខជន ដូង ពនេអព្យា បានដួលប៉ះទង្គិចក្បាលនៅកន្លែងស្នាក់នៅ ហើយបានចូលទៅព្យាបាល នៅមន្ទីរពេទ្យឯកជន មួយភ្លាមៗ នៅក្នុងខេត្តសៀមរាប ។
ផ្ទាំងពាណិជ្ជកម្ម
បន្ទាប់មក អាណាព្យាបាល ក៏បានទាក់ទងមកមណ្ឌល សុំការអនុញ្ញាត ដើម្បីឲ្យបេក្ខជនចូលប្រឡង តែក្រោយពីបញ្ជូន មកមណ្ឌលប្រឡង គ្រូពេទ្យប្រចាំមណ្ឌល បានពិនិត្យឃើញថា បេក្ខជន មិនអាចប្រឡងបានទេ ហើយត្រូវបានបញ្ជូន ទៅមន្ទីរពេទ្យបង្អែក ខេត្តសៀមរាប ដើម្បីបន្តការព្យាបាល៕
