ក្រុមហ៊ុនឧស្ម័នយក្ស របស់រុស្ស៊ី បង្កើនការនាំចេញ ទៅកាន់ប្រទេសចិន
បរទេស ៖ នាយកប្រតិបត្តិក្រុមហ៊ុន Gazprom របស់រុស្ស៊ី លោក Aleksey Miller បាននិយាយកាលពីថ្ងៃព្រហស្បតិ៍ថា ការនាំចូលឧស្ម័នធម្មជាតិ របស់រុស្ស៊ីបានកើនឡើង 28.3% ក្នុងរយៈពេលប្រាំបីខែដំបូង នៃឆ្នាំ 2025។
យោងតាមសារព័ត៌មាន RT ចេញផ្សាយនៅថ្ងៃទី២៩ ខែសីហា ឆ្នាំ២០២៥ បានឱ្យដឹងថា ថ្លែងនៅក្នុងកិច្ចប្រជុំជាមួយប្រធានក្រុមហ៊ុនបុត្រសម្ព័ន្ធ និងអង្គការនានា លោក Miller បានបន្ថែមថា ក្រុមហ៊ុនថាមពលដ៏ធំរបស់រដ្ឋនៅតែបន្តផ្គត់ផ្គង់ឧស្ម័នប្រកបដោយស្ថិរភាព និងអាចទុកចិត្ត បានដល់អ្នកប្រើប្រាស់ក្នុងស្រុក និងដៃគូអន្តរជាតិ។
រុស្សីបានប្តូរទិសដៅការនាំចេញ ថាមពលរបស់ខ្លួនទៅកាន់អាស៊ី បន្ទាប់ពីអ្នកទិញ EU បានចាប់ផ្តើមផ្អាកការនាំចេញប្រេង និងឧស្ម័នរបស់រុស្ស៊ី បន្ទាប់ពីការកើនឡើងនៃជម្លោះអ៊ុយក្រែនក្នុងខែកុម្ភៈ ឆ្នាំ 2022 និងការដាក់ទណ្ឌកម្មរបស់លោកខាងលិចប្រឆាំងនឹងទីក្រុងម៉ូស្គូ។
បច្ចុប្បន្នរុស្ស៊ីផ្គត់ផ្គង់ឧស្ម័ន ដល់សេដ្ឋកិច្ចធំបំផុតរបស់អាស៊ី តាមរយៈបំពង់ Power of Siberia ដែលជាផ្នែកមួយនៃកិច្ចព្រមព្រៀងរយៈពេល 30 ឆ្នាំដែលមានតម្លៃ ៤០០ ពាន់លានដុល្លារដែលបានចុះហត្ថលេខា រវាងក្រុមហ៊ុន Gazprom និង CNPC របស់ចិនក្នុងឆ្នាំ 2014 ។ ការដឹកជញ្ជូន បានចាប់ផ្តើមនៅឆ្នាំ 2019 ហើយបំពង់បង្ហូរប្រេង បានឈានដល់សមត្ថភាពប្រតិបត្តិការពេញលេញ នៅក្នុងខែធ្នូ ឆ្នាំ 2024 ដែលធ្វើឱ្យប្រទេសរុស្ស៊ី ក្លាយជាអ្នកផ្គត់ផ្គង់ឧស្ម័នធម្មជាតិ កំពូលទៅកាន់ប្រទេសចិន ៕
