មុខសញ្ញាសកម្មក្នុងករណីគ្រឿងញៀននៅមូលដ្ឋានត្រូវបានសមត្ថកិច្ចនគរបាលស្រុកមោងឫស្សីបង្រ្កាបអនុវត្តតាមច្បាប់៖
នៅថ្ងៃទី០១ ខែ កញ្ញាឆ្នាំ ២០២៥ ស្របតាមការចង្អុលដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាល ខេត្តបាត់ដំបង លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី ដឹកនាំធ្វើការបង្រ្កាបករណីរក្សាទុកដោយខុស ច្បាប់នូវសារធាតុញៀនមួយករណីក្នុងបទល្មើសជាក់ស្តែង និង ឃាត់ខ្លួនមុខសញ្ញាចំនួន ០២នាក់នៅចំណុចភូមិសួស្ដី ឃុំតាលាស់ ស្រុកមោងឫស្សី ខេត្តបាត់ដំបង ព្រមទាំងដកហូត បានវត្ថុតាងមួយចំនួនទៀត ។
តាមលោកអធិការនគរបាលស្រុកបញ្ជាក់ថា ទាំង០២នាក់គឺជាមុខសញ្ញាសកម្មក្នុងបញ្ហាគ្រឿងញៀននៅមូលដ្ឋាននាពេលកន្លងមក បេីទោះបីជាពេលប្រតិបត្តិការនេះ មានគ្រឿងញៀន តិចតួចក៏ប៉ុន្តែ សមត្ថកិច្ចបានកាត់ផ្តាច់នូវសកម្មភាពល្មេីស ដែលគេតែងប្រព្រឹត្ត ក្នុងមូលដ្ឋាន នាពេលកន្លងមកបានហេីយ ។
ពេលនេះជនសង័្សយ និងវត្ថុតាងត្រូវបានរៀបចំបញ្ជូនមកការិយាល័យជំនាញ ដើម្បីអនុវត្តបន្តតាមផ្លូវច្បាប់៕
ដោយ៖ ណារិទ្ធ|បាត់ដំបង|ដើមអម្ពិល
