សហរដ្ឋអាមេរិក បញ្ចប់ស្ថានភាពការពារជនចំណាកស្រុកវេណេស៊ុយអេឡា
វ៉ាស៊ីនតោន៖ រដ្ឋមន្ត្រីក្រសួងសន្តិសុខមាតុភូមិអាមេរិកលោកស្រី Kristi Noem បានប្រកាសកាលពីថ្ងៃពុធថា សហរដ្ឋអាមេរិក នឹងបញ្ចប់ការកំណត់ឋានៈការពារបណ្តោះអាសន្ន (TPS) សម្រាប់ជនជាតិវេណេស៊ុយអេឡា។
ការកំណត់ឆ្នាំ២០២១ ត្រូវបានកំណត់ថានឹងផុតកំណត់នៅថ្ងៃទី១០ ខែកញ្ញា ដោយការបញ្ចប់នេះមានប្រសិទ្ធភាព ៦០ថ្ងៃបន្ទាប់ពីការបោះពុម្ពផ្សាយនៅក្នុង Federal Register។
នាយកដ្ឋានសន្តិសុខមាតុភូមិបានឲ្យដឹងថា ការត្រួតពិនិត្យអន្តរការី បានរកឃើញលក្ខខណ្ឌនៅក្នុងប្រទេសវេណេស៊ុយអេឡា លែងផ្តល់ហេតុផលដល់ TPS ដែលការពារអ្នកទទួលផលពីការនិរទេស និងអនុញ្ញាតឱ្យពួកគេធ្វើការដោយស្របច្បាប់នៅក្នុងសហរដ្ឋអាមេរិក។
ប្រជាជនវេណេស៊ុយអេឡា កំពុងត្រូវបានណែនាំឱ្យប្រើកម្មវិធីចាកចេញ ដែលផ្តល់ជំនួយការធ្វើដំណើរ និងការលើកទឹកចិត្តផ្នែកហិរញ្ញវត្ថុមានកម្រិត។
ចំណាត់ការនេះកើតឡើង ទោះបីជាមានសេចក្តីសម្រេចរបស់តុលាការនាពេលថ្មីៗនេះ សាកសួរការប៉ុនប៉ងមុនៗដោយរដ្ឋបាលរបស់ប្រធានាធិបតីលោក ដូណាល់ ត្រាំ ដើម្បីដកការការពារមកវិញក៏ដោយ។ បញ្ហាប្រឈមផ្លូវច្បាប់ត្រូវបានរំពឹងថានឹងបន្តនៅពេលរដ្ឋបាលរៀបចំ ដើម្បីបន្តការនិរទេស៕
ប្រែសម្រួល ឈូក បូរ៉ា
